სიახლეები

      • სკოლა ენ-ჯი/NG School აგრძელებს პირველკლასელთა რეგისტრაციას, ქართულ და რუსულ სექტორზე, 2026-2027 სასწავლო წლისთვის.

      • სკოლა ენ-ჯი/NG School აგრძელებს პირველკლასელთა რეგისტრაციას, ქართულ და რუსულ სექტორზე, 2026-2027 სასწავლო წლისთვის.

        გთავაზობთ:

        • მყუდრო, სასიამოვნო და უსაფრთხო გარემოს;

        • კეთილგანწყობილ და თანამშრომლობით ატმოსფეროს;

        • გაძლიერებული სწავლებას - ქართულ ენასა და ლიტერატურაში, მათემატიკაში და პირველ უცხოურ ენაში (ინგლისური);

        • მეორე უცხოური ენის (რუსული) სწავლებას მეორე კლასიდან;

        • ჭადრაკის, ცეკვის, მეტყველების, მითოლოგიის, კალიგრაფიის, კითხვის საათის გაკვეთილებს;

        • დამატებით საგანმანათლებლო და სააღმზრდელო მომსახურებას - ფსიქოლოგის საათი, ექიმის საათი, ბიბლიოთეკის საათი და კლასის საათი.

        სკოლა თანამშრომლობს ნოდარ დუმბაძის სახელობის მოზარდ მაყურებელთა თეატრთან.

        სკოლის ტერიტორიაზე ფუნქციონირებს სხვა დამატებითი ფასიანი წრეები:

        • ვოკალური სტუდია ბელ კანტო - Bel Canto.

        • თეატრალური სტუდია;

        • ხელოვნების/ხატვის წრე;

        • მხატვრული ტანვარჯიში;

        • ლოგოპედის მომსახურებას.

        სასწავლო-აღმზრდელობითი პროცესი მიმდინარეობს 09:00დან – 18:00 საათამდე (I-IV კლასები).

        სიახლე: მიმდინარე წელს პირველ კლასში რეგისტრაციას შეძლებენ ბავშვებიც, რომლებსაც 6 წელი 2026 წლის 31 დეკემბრის ჩათვლით უსრულდებათ.

        მოსწავლის რეგისტრაციისთვის მიჰყევით ბმულს -

        https://docs.google.com/.../1t3B36YmspefAheqPoZl14Jz.../edit

        მისამართი: თბილისი, გლდანის “ა“ მ/რ, ფორე მოსულიშვილის ქუჩა N20.

        საკონტაქტო ტელ: 265-26-67 / 558 770703

        ელექტრონული ფოსტა: ngschool1999@gmail.com

        Facebook გვერდი: https://www.facebook.com/www.ngschool.edupage.org/

        ვებ გვერდი: https://ngschool.edupage.org/

         

      • სკოლა ენ-ჯი აგრძელებს მოსწავლეთა მობილობას  ქართული და რუსული სექტორის (I-XII) კლასებში.

        სკოლა გთავაზობთ:

        • მყუდრო, სასიამოვნო და უსაფრთხო გარემოს;

        • კეთილგანწყობილ და თანამშრომლობით ატმოსფეროს;

        • გაძლიერებული სწავლებას:

        -ქართულ ენასა და ლიტერატურაში;

        -მათემატიკაში;

        -პირველ უცხოურ ენაში (ინგლისური);

        • ჭადრაკის, ცეკვის, მეტყველების, მითოლოგიის, კალიგრაფიის, ხაზვის და  კითხვის საათის გაკვეთილებს.

        • დამატებით ტარდება:

        - ფსიქოლოგის საათი;

        - ექიმის საათი;

        - ბიბლიოთეკის საათი;

        - მშობლის საათი;

        - კლასის საათი;

        -გასვლითი გაკვეთილები/ექსკურსიები.

        სკოლა თანამშრომლობს ნ.დუმბაძის სახელობის მოზარდმაყურებელთა თეატრთან, მოსწავლეები სასწავლო წლის მანძილზე ესწრებიან 4 სპექტაკლს.

        I-IV კლასის მოსწავლეებს ვთავაზობთ ერთჯერად ჯანსაღ კვებას ;

        სკოლაში  ფუნქციონირებს სხვა დამატებითი ფასიანი წრეები:

        • ვოკალური სტუდია ბელ კანტო - Bel Canto / ბელ კანტო - ვოკალური სტუდია / Vocal Studio;

        • თეატრალური სტუდია რუსულ სექტორზე;

        • ხელოვნების/ხატვის წრე;

        • მხატვრული ტანვარჯიში;

        სასწავლო-აღმზრდელობითი პროცესი მიმდინარეობს:

        I-IV კლასებში  09:00 საათიდან – 18:00 საათამდე;

        V-XII კლასებში  09:00 საათიდან – 15:00 საათამდე;

        მისამართი: გლდანის “ა“ მ/რ, ფორე მოსულიშვილის ქუჩა N20.

        საკონტაქტო ტელ: 265-26-67  558 770703

        ელექტრონული ფოსტა: ngschool1999@gmail.com

        Facebook გვერდი: https://www.facebook.com/

        ვებ გვერდი: www.ngschool.edupage.org/

         

         

          • მშობლის საათი

          • 29 სექტემბერს, სკოლა ენ-ჯის III/ბ კლასში, ტუტორის ინიციატივითა და ორგანიზებით, ჩატარდა მშობლის საათი თემაზე — „იოცნებე, ირწმუნე, არ დანებდე“. 🌟

            შეხვედრა მიეძღვნა ბავშვების ოცნებებისა და მისწრაფებების მხარდაჭერას, საკუთარი შესაძლებლობების რწმენის გაძლიერებასა და ცხოვრებისეულ სირთულეებთან გამკლავების უნარების განვითარებას.

            მოსწავლეებმა ისაუბრეს საკუთარ ოცნებებსა და მიზნებზე, იმსჯელეს დაბრკოლებების გადალახვის მნიშვნელობაზე და კიდევ ერთხელ გაიაზრეს, რომ მიზნისკენ მიმავალ გზაზე მონდომება, თავდაჯერებულობა და საკუთარი თავის რწმენა განსაკუთრებით მნიშვნელოვანია. 💛

          • მშობლის საათი თემაზე — „მეცნიერება და ჯადოქრობა“.

          • 25 სექტემბერს I/ბ კლასში, კლასის ტუტორის ორგანიზებით, ჩატარდა მშობლის საათი თემაზე — „მეცნიერება და ჯადოქრობა“.

            მოსწავლეებისთვის შეხვედრა საინტერესო, სახალისო და შემეცნებითი აღმოჩნდა. სხვადასხვა ექსპერიმენტისა და აქტივობის საშუალებით ბავშვებმა აღმოაჩინეს, რომ ის, რაც ზოგჯერ ჯადოსნობად გვეჩვენება, ხშირად მეცნიერებასა და საინტერესო კანონზომიერებებს ეფუძნება.

            შეხვედრამ მოსწავლეებს შესაძლებლობა მისცა, ცნობისმოყვარეობა გაეღვივებინათ, ახალი ცოდნა მიეღოთ და მეცნიერების სამყარო კიდევ უფრო საინტერესო კუთხით აღმოეჩინათ.

            1

          • შემოქმედებითი კონკურსი — „ჩემი მათემატიკური პორტრეტი“.

          • 24 სექტემბერს II/ბ კლასში, მათემატიკის მასწავლებლის ორგანიზებით, ჩატარდა საინტერესო და შემოქმედებითი კონკურსი — „ჩემი მათემატიკური პორტრეტი“.

            მოსწავლეებმა სახალისო და შემოქმედებითი აქტივობების საშუალებით გამოავლინეს მათემატიკური ცოდნა, ლოგიკური აზროვნებისა და წარმოსახვის უნარები. კონკურსმა მოსწავლეებს შესაძლებლობა მისცა, მათემატიკა განსხვავებული და საინტერესო კუთხით დაენახათ და სასწავლო პროცესი კიდევ უფრო სასიამოვნო და მრავალფეროვანი გაეხადათ.

            13

          • კონკურსი — „გავიცნოთ ერთმანეთი და ციფრები“.

          • 24 სექტემბერს I/ბ კლასში მათემატიკის მასწავლებლის ორგანიზებით ჩატარდა საინტერესო და სახალისო კონკურსი — „გავიცნოთ ერთმანეთი და ციფრები“.

            მოსწავლეებმა სახალისო აქტივობებისა და თამაშების საშუალებით უკეთ გაიცნეს ერთმანეთი, გამოავლინეს ცოდნა და უნარები, ითანამშრომლეს თანაკლასელებთან და სასიამოვნო ემოციებით დატვირთული დღე გაატარეს.

            5

          • ვიზიტი ბოტანიკურ ბაღში

          • სკოლა ენ-ჯის II/ბ, III/ბ და IV/ბ კლასის მოსწავლეები, კლასის ტუტორების ორგანიზებით, თბილისის ბოტანიკურ ბაღს ესტუმრნენ.

            მოსწავლეებმა დაათვალიერეს ბაღის ულამაზესი სივრცეები, გაეცნენ მრავალფეროვან მცენარეთა სამყაროს და ბუნების შესახებ საინტერესო ინფორმაცია მიიღეს. სასიამოვნო გარემოში გატარებულმა დღემ მათ შესაძლებლობა მისცა, სასწავლო პროცესი საკლასო ოთახის მიღმაც გაეგრძელებინათ და მიღებული ცოდნა პრაქტიკული გამოცდილებით გაემდიდრებინათ.

            მოსწავლეებისთვის ეს იყო საინტერესო, შემეცნებითი და სასიამოვნო დღე, რომელიც უამრავი შთაბეჭდილებითა და დაუვიწყარი ემოციებით დატვირთული აღმოჩნდა.

            15

          • თეატრალური კლუბი

          • თეატრალური კლუბი

            აღმოაჩინე და გამოავლინე შენი ნიჭი სკოლა „ენ-ჯიში“!

            თეატრალურ კლუბში ისწავლი სცენაზე თავისუფლად გამოსვლას, მეტყველებას, იმპროვიზაციასა და გუნდურ მუშაობას. განივითარებ კრეატიულობას, მეხსიერებასა და თავდაჯერებულობას.

            სემესტრის ბოლოს კლუბის წევრები მოამზადებენ სპექტაკლს და მაყურებლის წინაშე დიდ სცენაზე წარდგებიან.

            შემოგვიერთდი — შენი როლი უკვე გელოდება!

            დამატებითი ინფორმაციისა და რეგისტრაციისთვის მიმართეთ კლუბის ხელმძღვანელს: 597 46 81 18

            კლუბი განკუთვნილია რუსულენოვანი მოსწავლეებისთვის.

          • ჭადრაკის კლუბი

          • გახდი ჭადრაკის სამყაროს ნაწილი!

            შპს „სკოლა ენ-ჯის“ ჭადრაკის კლუბი ახალი წევრების მიღებას იწყებს!

            განივითარე ლოგიკური აზროვნება და სტრატეგიული ხედვა, ისწავლე სწორი გადაწყვეტილებების მიღება და მიაღწიე წარმატებას მეგობრულ გარემოში!

            ვისთვის არის კლუბი?

            სკოლის ყველა მოსწავლისთვის — როგორც დამწყებთათვის, ისე გამოცდილი მოთამაშეებისთვის.

            რას გთავაზობთ?

            საინტერესო გაკვეთილებს;

            შიდასასკოლო ტურნირებს;

            მეგობრულ გარემოსა და დაუვიწყარ ემოციებს.

            სკოლა ენ-ჯი — წარმატება იწყება გონივრული სვლით!

            დამატებითი ინფორმაციისა და რეგისტრაციისთვის მიმართეთ კლუბის კოორდინატორს: 599542402

          • მოსწავლეთა სათათბიროს არჩევნები

          • ჩვენს სკოლაში 30 სექტემბერს მოსწავლეთა სათათბიროს არჩევნებია!

            💚 თუ ხარ VII–XII კლასში, გაქვს იდეები და გინდა სკოლის ცხოვრება უფრო საინტერესო გახდეს - წარადგინე შენი კანდიდატურა!

            💛 რისი გაკეთება შეგვიძლია ერთად?

            ✔️ახალი კლუბების შექმნა;
            ✔️ღონისძიებებისა და თემატური დღეების დაგეგმვა;
            ✔️კონკურსები, კინოჩვენებები და ტურნირები;
            ✔️სკოლის პოდკასტი, გაზეთი ან სოციალური მედია;
            ✔️კულტურული, შემოქმედებითი, სპორტული და საქველმოქმედო პროექტები.

            შეგიძლია შემოგვთავაზო ლიტერატურის, კინოს, დებატების, მუსიკის, ხელოვნების, ტექნოლოგიების, გარემოს დაცვის ან სრულიად განსხვავებული კლუბი.

            💚 როგორ ვიმუშავებთ?

            თვეში ერთხელ შევხვდებით ხოლმე, დანარჩენ დროს კი ონლაინ ვიკონტაქტებთ. ერთად დავგეგმავთ იდეებს და ვიმუშავებთ მათ განხორციელებაზე.

            ✅ მნიშვნელოვანი თარიღები

            ‼️კანდიდატების რეგისტრაცია - 23 სექტემბრის ჩათვლით
            ‼️ არჩევნები - 30 სექტემბერს

            დარეგისტრირდი და ჩაერთე სკოლის გაუმჯობესებაში! 💛💚 

            [კანდიდატის რეგისტრაციისთვის მიმართე კლასის ტუტორს]

             

          • ნიანგი გამბის ვიზიტი სკოლაში

          • ♟️ 14 სექტემბერს სკოლა ენ-ჯიში ჭადრაკის განსაკუთრებული დღე გვქონდა! 🏆

            ჭადრაკის მასწავლებლის ინიციატივით, I–IV კლასების მოსწავლეებს განსაკუთრებული სტუმარი — ნიანგი გამბი — ეწვია. 🐊♟️

            გამბიმ ბავშვებისთვის ერთდროული საჭადრაკო სეანსი ჩაატარა, რომლის ფარგლებშიც მოსწავლეებმა მასთან პირადად ითამაშეს საჭადრაკო პარტიები.

            ბავშვებისთვის ეს დღე სავსე იყო სიხარულით, აზარტით, საინტერესო ბრძოლებითა და ზღვა ემოციებით! 💙

            ასეთი შეხვედრები კიდევ ერთხელ გვახსენებს, რომ ჭადრაკი მხოლოდ თამაში არ არის — ეს არის აზროვნების, სტრატეგიის, მოთმინებისა და მეგობრობის შესანიშნავი სკოლა. ♟️✨

             

            14

          • ხელოვნების კლუბი “არტსივრცე”

          • 🎨 სკოლა ენ-ჯიში იხსნება ხელოვნების კლუბი „არტსივრცე“!

            თუ თქვენს შვილს უყვარს ხატვა, ფერები, ხელსაქმე, თიხა და საკუთარი იდეების შექმნა — „არტსივრცე“ სწორედ მისთვისაა. ✨

            კლუბში ბავშვები იმუშავებენ სხვადასხვა მიმართულებით: ხატვა, ფერწერა, კოლაჟი, ფარდაგი, თექა, თიხაზე მუშაობა და ხელნაკეთი ნივთების შექმნა.

            „არტსივრცის“ მიზანია, ბავშვებმა შემოქმედებითი საქმიანობის საშუალებით განავითარონ ფანტაზია, წვრილი მოტორიკა, შემოქმედებითი აზროვნება და თვითგამოხატვის უნარი.

            აქ მთავარი მხოლოდ ლამაზი ნამუშევარი არ არის — მთავარი არის შექმნის პროცესი, საკუთარი შესაძლებლობების აღმოჩენა და შემოქმედებითობის სიხარული.

            ✨ პატარა შემოქმედები დიდ სამყაროს ქმნიან!

            📍 სკოლა ენ-ჯი
            📞 577 90 95 92

          • 2026–2027 სასწავლო წლის საზეიმო გახსნა💚💛

          • 7 სექტემბერს ჩვენი სკოლა კვლავ აივსება ბავშვების ჟრიამულით!

            გელოდებით 10:00 საათზე 2026–2027 სასწავლო წლის საზეიმო გახსნაზე.

            მოუთმენლად ველით ჩვენს მოსწავლეებთან შეხვედრას: მათ, ვინც ენ-ჯიში ბრუნდება და მათაც, ვინც წელს პირველად გახდება ჩვენი სკოლის ოჯახის წევრი.

            შევხვდეთ ახალ სასწავლო წელს ერთად!

            7 სექტემბერი

            10:00

          • მასწვლებელთა კონფერენცია

          • 2026 წლის 13 ივლისს სკოლა ენ-ჯიში გაიმართა მასწავლებელთა კონფერენცია, რომლის მიზანი იყო პროფესიული გამოცდილების გაზიარება, სწავლა-სწავლების თანამედროვე მიდგომების წარმოჩენა და ეფექტიანი საგანმანათლებლო პრაქტიკის გავრცელება.

            კონფერენციის ფარგლებში მასწავლებლებმა წარადგინეს მათ მიერ მომზადებული საკონფერენციო თემები, ისაუბრეს სასწავლო პროცესში გამოყენებულ ინოვაციურ მეთოდებსა და სტრატეგიებზე, მოსწავლეზე ორიენტირებული სწავლების მნიშვნელობაზე, აქტიური სწავლების ფორმებზე, შეფასების მრავალფეროვან მიდგომებსა და ციფრული რესურსების ეფექტიან გამოყენებაზე. განსაკუთრებული ყურადღება დაეთმო იმ პრაქტიკულ გამოცდილებას, რომელმაც მნიშვნელოვნად შეუწყო ხელი მოსწავლეთა მოტივაციის, ჩართულობისა და აკადემიური შედეგების გაუმჯობესებას.

            კონფერენცია წარიმართა თანამშრომლობითა და პროფესიული დიალოგის გარემოში. მონაწილეებმა აქტიურად გაცვალეს გამოცდილება, განიხილეს სწავლა-სწავლების პროცესში არსებული გამოწვევები და მათი გადაჭრის ეფექტიანი გზები, რაც მნიშვნელოვანი საფუძველი იქნება პროფესიული განვითარების, ხარისხიანი განათლების უზრუნველყოფისა და სკოლაში სწავლა-სწავლების პროცესის უწყვეტი გაუმჯობესებისთვის.

            12

          • კათედრების სხდომები

          • 2026 წლის ივლისში სკოლა ენ-ჯიში ჩატარდა საგნობრივი კათედრების სხდომები. სამუშაო შეხვედრები გაიმართა ენების კათედრის, საზოგადოებრივი მეცნიერებების, ესტეტიკური ციკლებისა და სპორტის კათედრის, ასევე ტექნოლოგიებისა და საბუნებისმეტყველო საგნების კათედრის ფარგლებში. ყველა კათედრაზე დღის წესრიგი იყო ერთიანი და განხილული იქნა სასწავლო პროცესის შეფასებასა და მომავალი სასწავლო წლის დაგეგმვასთან დაკავშირებული მნიშვნელოვანი საკითხები.

            სხდომებზე განიხილეს საგნობრივი კურიკულუმების განხორციელების მონიტორინგისა და შეფასების შედეგები, კათედრის წევრი მასწავლებლების წლიური ანგარიშებისა და პროფესიული პორტფოლიოების მონიტორინგის შედეგები, მოსწავლეთა აკადემიური მიღწევები და საგნობრივი დინამიკა, სასკოლო გამოცდების შედეგებისა და წლიური შეფასებების ვერიფიკაცია. ასევე გაიმართა წარმატებული პრაქტიკის, პროფესიული გამოცდილებისა და მიგნებების გაზიარება, განისაზღვრა თითოეული კათედრის ძლიერი და გასაუმჯობესებელი მხარეები და შემუშავდა 2026–2027 სასწავლო წლის ძირითადი პრიორიტეტები.

            შეხვედრები წარიმართა საქმიან და კონსტრუქციულ გარემოში. მონაწილეებმა იმსჯელეს სასწავლო პროცესის ხარისხის გაუმჯობესების, ეფექტიანი თანამშრომლობის გაძლიერებისა და პროფესიული განვითარების ხელშეწყობის საკითხებზე, რაც ხელს შეუწყობს ახალი სასწავლო წლის წარმატებით დაგეგმვასა და განხორციელებას.

            3

          • სტუმარი ბიოტექნოლოგი, ეკონომიკის დოქტორი, პროფესორი რუსუდან კვარაცხელია

          • სკოლა ენ-ჯის ეწვია ბიოტექნოლოგი, ეკონომიკის დოქტორი, პროფესორი რუსუდან კვარაცხელია. მან მოსწავლეებს ჩაუტარა სემინარი სახელწოდებით "სურსათის უვნებლობა, როგორც მეცნიერება".

            სემინარის დასასრულს კი მან მოსწავლეებს და პედაგოგებს საჩუქრად გადასცა პირველი, ქართული, შემეცნებითი ფაზლები, სურსათის უვნებლობის მიმართულებით.

            ფაზლების დანიშნულებაა მოსწავლეების ცნობიერების ამაღლება სურსათის უვნებლობის კუთხით; ასევე სურსათის უვნებლობის, როგორც მეცნიერების გააზრება.

            3

          • 🎈 1 ივნისი — ბავშვთა დაცვის საერთაშორისო დღე 🎈

          • 🎈 1 ივნისი — ბავშვთა დაცვის საერთაშორისო დღე 🎈

            ბავშვთა დაცვის საერთაშორისო დღის აღსანიშნავად სკოლა „ენ-ჯიში“ სპორტის მასწავლებლის ინიციატივით ჩატარდა მხიარული სტარტები, რომელშიც მონაწილეობა მიიღეს II–V კლასების მოსწავლეებმა.

            ბავშვები ერთმანეთს სხვადასხვა სახალისო და სპორტულ აქტივობაში შეეჯიბრნენ, გამოავლინეს სისწრაფე, მოხერხებულობა, გუნდური მუშაობის უნარი და პოზიტიური განწყობა.

            ღონისძიებამ მხიარულ და მეგობრულ გარემოში ჩაიარა. მონაწილეებმა დაუვიწყარი დღე გაატარეს, მიიღეს უამრავი დადებითი ემოცია და კიდევ ერთხელ დარწმუნდნენ, რომ ყველაზე მნიშვნელოვანი გამარჯვება მეგობრობა, ერთობა და კარგი განწყობაა.

            💙 საბოლოოდ, გაიმარჯვა მეგობრობამ!

            გილოცავთ ბავშვთა დაცვის საერთაშორისო დღეს და გისურვებთ ბედნიერ, ნათელ და წარმატებულ ბავშვობას! 🌟👧👦⚽🏃‍♀️🏃‍♂️

            44

          • სასწავლო-შემეცნებითი ექსკურსი იმერეთში

          • 23-24 მაისს სკოლა ენ-ჯის IX/ა კლასის სასწავლო-შემეცნებითი ექსკურსია მოსწავლეთათვის საინტერესო და თავგადასავლებით სავსე მოგზაურობად იქცა იმერეთში. ექსკურსიის ფარგლებში მათ დაათვალიერეს გეგუთის სასახლე, მოწამეთას მონასტერი, ბაგრატის ტაძარი და გელათის მონასტერი, სადაც გაეცნენ საქართველოს ისტორიასა და კულტურულ მემკვიდრეობას.

            მეორე დღეს მოსწავლეებმა მოინახულეს პრომეთეს მღვიმე და სათაფლიის ნაკრძალი, რამაც მათზე განსაკუთრებული შთაბეჭდილება მოახდინა. ექსკურსიამ ხელი შეუწყო მოსწავლეთა შემეცნებითი ინტერესის, გუნდური მუშაობისა და სოციალური უნარების განვითარებას

            7

          • ვიზიტი მუსიკალური ინსტრუმენტების მუზეუმი-ში.

          • 22 მაისს სკოლის „ენ-ჯის“ II/ბ კლასის მოსწავლეები, ხელოვნების მასწავლებლისა და კლასის ტუტორის ორგანიზებით, საინტერესო და შემეცნებით ექსკურსიაზე იმყოფებოდნენ მუსიკალური ინსტრუმენტების მუზეუმი-ში.

            მუზეუმის სტუმრობა ბავშვებისთვის ნამდვილ აღმოჩენად იქცა — ისინი დიდი ინტერესით ათვალიერებდნენ უნიკალურ ექსპონატებს, ეცნობოდნენ სხვადასხვა ეპოქისა და კულტურის მუსიკალურ ინსტრუმენტებს და გაოცებულები რჩებოდნენ მათი მრავალფეროვანი ფორმებითა და ბგერის შექმნის უძველესი ტექნიკებით.

            განსაკუთრებული ინტერესი მოსწავლეებში გიდის საინტერესო თხრობამ გამოიწვია, რომელმაც იშვიათი ინსტრუმენტების ისტორია გააცნო ბავშვებს. ბევრმა მათგანმა მსგავსი ექსპონატები პირველად იხილა, რამაც ექსკურსია კიდევ უფრო შთამბეჭდავი და დასამახსოვრებელი გახადა.

            5

          • ექსკურსია ანანურში

          • ისტორია, ბუნება და დაუვიწყარი ემოციები ანანურში!

            24 მაისს სკოლის ენ-ჯის III/ა კლასის მოსწავლეები დაუვიწყარ ექსკურსიაზე იმყოფებოდნენ — ულამაზეს და ისტორიულ ანანურის ციხესიმაგრე-ში.

            მოგზაურობა სავსე იყო ახალი შთაბეჭდილებებით, საინტერესო ისტორიებითა და ბედნიერი ემოციებით. ბავშვებმა ახლოდან დაათვალიერეს საქართველოს ერთ-ერთი გამორჩეული ისტორიული ძეგლი, დატკბნენ ულამაზესი ბუნებით და ერთად უამრავი სასიამოვნო მოგონება შექმნეს.

            11

          • მათემატიკური ვიქტორინა — „ყველაზე ჭკვიანი მათემატიკაში“.

          • 22 მაისს სკოლა ენ-ჯის მათემატიკის მასწავლებლის ინიციატივით, ჩატარდა 5/ბ კლასის მათემატიკური ვიქტორინა — „ყველაზე ჭკვიანი მათემატიკაში“.

            მოსწავლეები აქტიურად ჩაერთნენ შეჯიბრებაში, გამოავლინეს ცოდნა, ლოგიკური აზროვნება და სწრაფი მსჯელობის უნარი.

            ვიქტორინამ მეგობრული, საინტერესო და მოტივაციის ამაღლებელი გარემო შექმნა, სადაც ბავშვებმა ცოდნაც გაიღრმავეს და სასიამოვნოდაც გაატარეს დრო.

          • ექიმის საათი

          • სკოლა ენ-ჯის მე-8/ბ კლასში ჩატარდა ექიმის საათი, რომელიც ჯანსაღი ცხოვრების წესს მიეძღვნა. ექიმმა მოზარდებს მარტივად და გასაგებად აუხსნა, თუ როგორ მოქმედებს მათ ორგანიზმზე მავნე ჩვევები, არასწორი ძილი და ფასტფუდი. მერვეკლასელებისთვის ასეთი შეხვედრები ძალიან მნიშვნელოვანია, რადგან ამ ასაკში ისინი თავად იწყებენ იმის გადაწყვეტას, თუ რით იკვებონ და როგორ გაატარონ თავისუფალი დრო. სპეციალისტის რჩევები დაეხმარა ბავშვებს, ზედმეტი მორალის კითხვის გარეშე, გვერდიდან შეეხედათ საკუთარი ჩვევებისთვის. საბოლოო ჯამში, შეხვედრამ მოსწავლეებს მისცა რეალური ორიენტირები საკუთარ ჯანმრთელობაზე ზრუნვისთვის.

          • მოსწავლეთა სათათბიროს არჩევნები

             

            პირველად გიმნაზიაში

            2023 წლის 29 სექტემბერს  ტარდება მოსწავლეთა სათათბიროს არჩევნები

             

            - მოსწავლეთა სათათბიროს არჩევნებში მონაწილეობის მიღების უფლება აქვს, საბაზო-საშუალო საფეხურის ყველა მოსწავლეს;

            - მოსწავლეები, რომელთაც სურთ არჩეულნი იყვნენ სათათბიროში რეგისტრაციას გადიან კლასის დამრიგებლებთან, 2023 წლის 18 სექტემბრიდან 22 სექტემბრის ჩათვლით.

            - საბაზო და საშუალო საფეხურის მოსწავლეთა სათათბიროში თითოეული კლასის მოსწავლეები ირჩევენ ორ წარმომადგენელს.

             

            მოსწავლეთა სათათბიროს  არჩევნები ჩატარდება  საგაკვეთილო პროცესის შემდეგ (საკლასო ოთახებში), ელექტრონული ფორმატით (Google Drive-ის გამოყენებით) ჩატარდება.

             

            გთხოვთ აქტიურად ჩაერთოთ და მონაწილეობა მიიღოთ მოსწავლეთა სათათბიროს არჩევნებში.

             

             

          • “Ngg - საზაფხულო ბანაკი 2023”

            “დასრულდა ესე ამბავი, ვითა სიზმარი ღამისა”…..

            “Ngg - საზაფხულო ბანაკი 2023”დასრულდა, გული გვწყდება, რადგან ურთიერთობებისთვის დრო მაინც არ გვეყო, თუმცა საოცარი სითბო და სიყვარული გამოვიყოლეთ ერთმანეთის…

            ესეც ჩვენი საერთო ფოტო ამ დაუვიწყარი დღეების სამახსოვროდ!!!

          • საზაფხულო ბანაკი ბორჯომში

            წელს პირველად გიმნაზიაში განხორციელდა, სამოქალაქო განათლების პროექტი -"საზაფხულო ბანაკი ბორჯომში", ბანაკში გუშინ გაემგზავრნენ გიმნაზიის 35 საბაზო-საშუალო საფეხურის მოსწავლე. პროექტის ხელმძღვანელი, დირექტორის მოადგილე მაია გურასპიშვილი Maia Guraspishvili და პროეექტის ასისტენტი, ჩვენი მასწავლებელი მარიკა შუღლიაშვილი.

            ბანაკში ყოფნის დროს მოსწავლეები გაეცნობიან და იმუშავებენ შემდეგ საკითხებზე:

            Ø პიროვნული განვითარება;

            Ø ინტერპერსონალური ურთიერთობები;

            Ø ეფექტური კომუნიკაცია კონფლიქტების რეგულაცია და მოლაპარაკების უნარი;

            Ø კრიტიკული აზროვნება;

            Ø სოციალური პასუხისმგებლობა;

            ბანაკში, ასევე, ჩატარდება სპორტულ თამაშები, ლიტერატურული განხილვები, კინო-ჩვენებები და მრავალ სხვა ღონისძიებები.

            https://www.facebook.com/hotelmtisbroliborjomi.hotel

          • სასკოლო კონფერენცია

            35

            დღეს 19 ივნისს გიმნაზიის სააქტო დარბაზში ჩატარდა სასკოლო კონფერენცია. მომხსენებლები იყვნენ საგნის მასწავლებლები. მოვისმინეთ 22 მასწავლებლის გამოსვლა,მათ ისაუბრეს სასწავლო წლის მანძილზე  ჩატარებული საინტერესო აქტივობებისა და მათი გამოცდილების შესახებ. მადლობა თითოეულ მათგანს ჩატარებული მუშაობისთვის.

          • 2 ივნისს ჩატარდა სასკოლო ტურნირი ჭადრაკში

            მონაწილეობას იღებდნენ მოსწავლეები მე-3-დან მე-8 კლასის ჩათვლით, გოგონები და ბიჭები.

            ტურნირი გაიმართა შვეიცარიული სისტემით, 7 ტურად.

            გამარჯვებულები გამოვლინდნენ სქესისა და ასაკის მიხედვით. მოსწავლეები დაჯილდოვდნენ თასებით, მედლებით და დიპლომებით. მათ, ვინც ვერ დაიკავა საპრიზო ადგილი, გადაეცათ პატარა საჭადრაკო სუვენირები.

            გოგონათა შორის პირველი ადგილი დაიკავა - ნუცა ჯიქიამ. მეორე ადგილი - მუსაევა შევვალ. მესამე ადგილი - სამხარაძე სოფია.

            მე-3, მე-4 და მე-5 კლასებს შორის პირველი ადგილი დაიკავა - პოლიაკოვ დანიელმა. მეორე ადგილი - ჯიჯელავა ბექა. მესამე ადგილი - ხეჩოიანი ალექსი.

            მე-6, მე-7 და მე-8 კლასებს შორის პირველი ადგილი დაიკავა - ხეჩოიან მიხეილმა. მეორე ადგილი - ნევსკი კოტე. მესამე ადგილი - გაჩეჩილაძე გიორგი.

            4

          • სახალისო ცდები ქიმიაში მეშვიდეკლასელებისთვის

            ვინაიდან მე-8 კლასიდან ვიწყებთ ქიმიის სწავლებას, ,დღეს მე-7 კლასში ჩავატარეთ საინტერესო და სახალისო ცდები. მოსწავლეები გაეცნენ რამოდენიმე ნივთიერების ფიზიკურ და ქიმიურ თვისებებს. ძალიან დიდი იყო მათი მოტივაცია. წარმატებები მინდა ვუსურვო ჩვენს გიმნაზიელებს .წინ კიდევ ბევრი საინტერესო ცდები ელოდებათ

          • საქართველოს დამოუკიდებლობის დღე!

            დღესაც თავისუფლებისთვის ვიბრძვით! დღესაც დამოუკიდებლობისთვის  ვიბრძვით! რამდენი სიცოცხლე შეიწირა ამ ბრძოლამ... დღესაც უკრაინაში ჩვენი ბიჭები სისხლს ღვრიან საქართველოსთვის!  დღესაც, XXI ციფრულ საუკუნეში საქართველოს მეხუთედი რუსეთის ოკუპაციის ქვეშაა... დიდი იმედი მაქვს, მოვესწრები ნამდვილად თავისუფალ, დემოკრატიულ და ევროპულ საქართველოში ცხოვრებას

            37

          • სასკოლო საზაფხულო ბანაკი - "ტბაზე"

            წელს „ახალ ქართულ გიმნაზია“-ში არაჩვეულებრივი სიახლეა!!!

            ჩვენი სკოლის მე-8, მე-9, მე-10 და მე-11 კლასელებისთვის მოეწყობა სასკოლო საზაფხულო ბანაკი, სადაც მოსწავლეებთან ერთად დაუვიწყარ მოგონებებს შევქმნით.

            ბანაკი გაიმართება კურორტ ტბაზე (ბორჯობთან ახლოს), სადაც გელით ჯანსაღი, უსაფრთხო, კეთილმოწყობილი გარემო, სამჯერადი კვებით, შემეცნებითი, განმავითარებელი ტრენინგებით მოქალაქეობაში, კინოკლუბით, ლიტერატურული საღამოებით, სპორტული, სახალისო, გასართობი აქტივობებით, ლაშქრობებითა და სხვა.

            საზაფხულო ბანაკი იქნება ადგილი, სადაც მოზარდები ზაფხულის დღეებს ხალისიანად და ნაყოფიერად გაატარებენ. ბანაკში განხილული იქნება ისეთი თემები, როგორიცაა:

            · პიროვნული განვითარება (იდენტობა და თვითშეფასება, ინტერესები და ღირებულებები)

            · ინტერპერსონალური ურთიერთობები (ემოციების მართვა, სტრესის მართვა, ემპათია)

            · ეფექტური კომუნიკაცია კონფლიქტების რეგულაცია და მოლაპარაკების უნარი;

            · კრიტიკული აზროვნება (კრიტიკული მსჯელობა, გადაწყვეტილების მიღება, დროის მართვა)

            · სოციალური პასუხისმგებლობა (ბავშვთა უფლებები და მოვალეობები, მორალი, ბულინგი, ტოლერანტობა)

            ბანაკი, ასევე, გთავაზობთ სპორტულ თამაშებს, ლიტერატურულ განხილვებს, კინო-ჩვენებებს და მრავალ სხვა გუნდურ აქტივობას.

            ბანაკის ხანგრძლივობა: – 6 ღამე, 7 დღე;

            გასვლის თარიღი: 24 ივნისი, 9:00 საათი სკოლის მიმდებარე ტერიტორიიდან;

            ჩამოსვლის თარიღი: 31 ივნისი 16:00 საათი სკოლის მიმდებარე ტარიტორიასთან;

            ლოკაცია –სასტუმრო „მთის ბროლი - ბორჯომი“

            დამატებითი შეკითხვებისათვის დაგვიკავშირდით: 5 77 33 96 31

            https://www.facebook.com/hotelmtisbroliborjomi/photos

            სასტუმრო მთის ბროლი-ბორჯომი

            სასტუმრო “მთის ბროლი-ბორჯომი”, სასტუმრო კურორტ ტბაზე

          • საქართველოს დამოუკიდებლობის დღე

            2023 წლის 25 მაისს გიმნაზიაში საქართველოს დამოუკიდებლობის დღეს აღვნიშნავთ.

            ეს დღე განსაკუთრებული და გამორჩეული იქნება ყველა სასწავლო დღისგან.

            08:45 -სასკოლო საზოგადოების გიმნაზიაში გამოცხადება.I-XII კლასის მოსწავლეებისა და პედაგოგების განაწილება სკოლის ეზოში;

            09:00- სახელმწიფო დროშის აწევა სახელმწიფო ჰიმნის შესრულების ფონზე, ჰიმნს ასრულებენ სკოლის მოსწავლეები და პედაგოგები;

            09:30 - გიმნაზიის შენობაში კლასების შესვლა დამრიგებლებთან ერთად;

            I-IV კლასებში მეორე გაკვეთილიდან იმუშავებენ დამრიგებლები და ისაუბრებენ დამოუკიდებლობის დღის შესახებ, მოამზადებენ კედლის გაზეთებს. ამ აქტივობის დამთავრების შემდეგ სასწავლო პროცესი 18:00-მდე ჩვეულ რეჟიმში გაგრძელდება.

            09:30 საათიდან სააქტო დარბაზში გაიმართება ქართული მხატვრული ფილმებიდან: „მონანიება“, “დათა თუთაშხია“, „დემეტრე თავდადებული“ -ამონარიდების ჩვენება.

            -პირველი ნაკადი- ქართული სექტორის V-VII კლასები;

            -მეორე ნაკადი - ქართული სექტორის VIII-XI კლასები;

            -მესამე ნაკადი- რუსული სექტორის V-VII კლასები;

            -მეოთხე ნაკადი- რუსული სექტორის VIII-XI კლასები.

            ფილმების ამონარიდების ყურების შემდეგ,  კლასები  ბრუნდებიან საკლასო ოთახებში, იქ დამრიგებლებთან და საგნის მასწავლებლებთან ერთად გაიმართება დებატები და შემდეგ ყველა კლასი ქმნის პლაკატს. 

             ნამუშევრები  ბარდება დირექტორის მოადგილეს აღმზრდელობით დარგში ინგა ადახს, რომელიც შემდეგ ორგანიზებას გაუკეთებს ამ ნამუშევრების გამოფენას.

            V-XI კლასის მოსწავლეები ზ.ა. აქტივობების დასრულების შემდგომ თავისუფლდებიან.

            p.s. V-XI კლასის ყველა დამრიგებელმა გააფრთხილოს მშობლები რომ ა.წ. 25 მაისს გვექნება შედარებით მოკლე დღე. 

            I-IV კლასები ჩვეულ რეჟიმში იმუშავებენ.

          • ანონიმური კვლევა მშობლებთან და მოსწავლეებთან

            მშობელთა საყურადღებოდ!

            2023 წლის 11 მაისიდან გიმნაზიის დირექცია აწარმოებს კვლევას I-XI კლასის მშობლებთან და V-XI კლასის მოსწავლეებთან.კვლევა ტარდება ანონიმურად.მოსწავლეებთან კვლევა ტარდება საკლასო ოთახში (კითხვარი მიეწოდებათ მატერიალურად); ხოლო მშობლებისთვის ელექტრონული ფორმით "google docs" ფორმატში.

            გამოკითხვაში მონაწილეობა ყველა მშობლისთვის სავალდებულოა!

            გამოკითხვის შედეგები დაგვეხმარება, რათა მომავალი სასწავლო წლის დაგეგმვის დროს გავითვალისწინოთ მოსწავლეთა და მშობელთა შენიშვნები, სურვილები, რეკომენდაციები.

            ანკეტის ლინკი მშობლებს მიეწოდათ კლასების FB ჯგუფების საშუალებით.

            გთხოვთ, იაქტიუროთ, იყოთ გულახდილები და ობიექტურები. თითოეული თქვენგანის აზრი ჩვენთვის მნიშვნელოვანია.

          • საქველმოქმედო ღონისძიება

            ამა წლის 4 მაისს,  გიმნაზიაში გაიმართა საქველმოქმედო ღონისძიება შშმ პირთა დასახმარებლად, ღონისძიებაზე სტუმრად იმყოფებოდა  მწერალი  ციცი გურიელი 

            7

    • კონტაქტი

      • სკოლა ენ-ჯი
      • ngschool1999@gmail.com
      • (+995 32) 265-26-67
      • გლდანი, ფორე მოსულიშვილის ქ. 20
        თბილისი
        0167 თბილისი
        Georgia

    • ანგარიშში შესვლა

  • ჩვენი სოციალური ქსელები