სიახლეები

      • სკოლა ენ-ჯი/NG School აგრძელებს პირველკლასელთა რეგისტრაციას, ქართულ და რუსულ სექტორზე, 2026-2027 სასწავლო წლისთვის.

      • სკოლა ენ-ჯი/NG School აგრძელებს პირველკლასელთა რეგისტრაციას, ქართულ და რუსულ სექტორზე, 2026-2027 სასწავლო წლისთვის.

        გთავაზობთ:

        • მყუდრო, სასიამოვნო და უსაფრთხო გარემოს;

        • კეთილგანწყობილ და თანამშრომლობით ატმოსფეროს;

        • გაძლიერებული სწავლებას - ქართულ ენასა და ლიტერატურაში, მათემატიკაში და პირველ უცხოურ ენაში (ინგლისური);

        • მეორე უცხოური ენის (რუსული) სწავლებას მეორე კლასიდან;

        • ჭადრაკის, ცეკვის, მეტყველების, მითოლოგიის, კალიგრაფიის, კითხვის საათის გაკვეთილებს;

        • დამატებით საგანმანათლებლო და სააღმზრდელო მომსახურებას - ფსიქოლოგის საათი, ექიმის საათი, ბიბლიოთეკის საათი და კლასის საათი.

        სკოლა თანამშრომლობს ნოდარ დუმბაძის სახელობის მოზარდ მაყურებელთა თეატრთან.

        სკოლის ტერიტორიაზე ფუნქციონირებს სხვა დამატებითი ფასიანი წრეები:

        • ვოკალური სტუდია ბელ კანტო - Bel Canto.

        • თეატრალური სტუდია;

        • ხელოვნების/ხატვის წრე;

        • მხატვრული ტანვარჯიში;

        • ლოგოპედის მომსახურებას.

        სასწავლო-აღმზრდელობითი პროცესი მიმდინარეობს 09:00დან – 18:00 საათამდე (I-IV კლასები).

        სიახლე: მიმდინარე წელს პირველ კლასში რეგისტრაციას შეძლებენ ბავშვებიც, რომლებსაც 6 წელი 2026 წლის 31 დეკემბრის ჩათვლით უსრულდებათ.

        მოსწავლის რეგისტრაციისთვის მიჰყევით ბმულს -

        https://docs.google.com/.../1t3B36YmspefAheqPoZl14Jz.../edit

        მისამართი: თბილისი, გლდანის “ა“ მ/რ, ფორე მოსულიშვილის ქუჩა N20.

        საკონტაქტო ტელ: 265-26-67 / 558 770703

        ელექტრონული ფოსტა: ngschool1999@gmail.com

        Facebook გვერდი: https://www.facebook.com/www.ngschool.edupage.org/

        ვებ გვერდი: https://ngschool.edupage.org/

         

      • სკოლა ენ-ჯი აგრძელებს მოსწავლეთა მობილობას  ქართული და რუსული სექტორის (I-XII) კლასებში.

        სკოლა გთავაზობთ:

        • მყუდრო, სასიამოვნო და უსაფრთხო გარემოს;

        • კეთილგანწყობილ და თანამშრომლობით ატმოსფეროს;

        • გაძლიერებული სწავლებას:

        -ქართულ ენასა და ლიტერატურაში;

        -მათემატიკაში;

        -პირველ უცხოურ ენაში (ინგლისური);

        • ჭადრაკის, ცეკვის, მეტყველების, მითოლოგიის, კალიგრაფიის, ხაზვის და  კითხვის საათის გაკვეთილებს.

        • დამატებით ტარდება:

        - ფსიქოლოგის საათი;

        - ექიმის საათი;

        - ბიბლიოთეკის საათი;

        - მშობლის საათი;

        - კლასის საათი;

        -გასვლითი გაკვეთილები/ექსკურსიები.

        სკოლა თანამშრომლობს ნ.დუმბაძის სახელობის მოზარდმაყურებელთა თეატრთან, მოსწავლეები სასწავლო წლის მანძილზე ესწრებიან 4 სპექტაკლს.

        I-IV კლასის მოსწავლეებს ვთავაზობთ ერთჯერად ჯანსაღ კვებას ;

        სკოლაში  ფუნქციონირებს სხვა დამატებითი ფასიანი წრეები:

        • ვოკალური სტუდია ბელ კანტო - Bel Canto / ბელ კანტო - ვოკალური სტუდია / Vocal Studio;

        • თეატრალური სტუდია რუსულ სექტორზე;

        • ხელოვნების/ხატვის წრე;

        • მხატვრული ტანვარჯიში;

        სასწავლო-აღმზრდელობითი პროცესი მიმდინარეობს:

        I-IV კლასებში  09:00 საათიდან – 18:00 საათამდე;

        V-XII კლასებში  09:00 საათიდან – 15:00 საათამდე;

        მისამართი: გლდანის “ა“ მ/რ, ფორე მოსულიშვილის ქუჩა N20.

        საკონტაქტო ტელ: 265-26-67  558 770703

        ელექტრონული ფოსტა: ngschool1999@gmail.com

        Facebook გვერდი: https://www.facebook.com/

        ვებ გვერდი: www.ngschool.edupage.org/

         

         

          • კონკურსი „წერო — სკოლაში“.

          • 22 აპრილს სკოლა „ენ-ჯიში“ გაიმართა ლიტერატურული კონკურსი „წერო — სკოლაში“. კონკურსის ფარგლებში მოსწავლეებმა ვიდეოანიმაციის ნახვის შემდეგ დაწერეს ესეები. მასში მონაწილეობდნენ მე-8/ა, მე-9/ა, მე-10/ა და მე-11/ა კლასების მოსწავლეები. სპეციალურად შექმნილმა ჟიურიმ გამოავლინა გამარჯვებულები.

            28 აპრილს კი გაიმართა როგორც ამ კონკურსის დაჯილდოების ცერემონია, ისე ქართული ენისა და ლიტერატურის კათედრის ორგანიზებით შემოქმედებითი წერის ორი განსხვავებული ფორმატის კონკურსი.

            პირველი კონკურსი ჩატარდა მწვანე სივრცეში — სკვერში, სადაც მოსწავლეებმა თავისუფალ თემებზე იმუშავეს. მეორე კონკურსში მონაწილეებმა ნაჩვენები ვიდეორგოლის შთაგონებით შექმნეს ჩანახატები.

            კონკურსში მონაწილეობდა 16 მოსწავლე, რომელთაგან 8 საუკეთესო ნამუშევრის ავტორი გამოვლინდა. გამარჯვებულები სკოლა „ენ-ჯიმ“ სიგელებითა და სამახსოვრო წიგნებით დააჯილდოვა.

            ამავე დღეს დაჯილდოვდნენ „წერო — სკოლაში“ კონკურსის გამარჯვებულებიც, რომელთაც გადაეცათ დიპლომები და წიგნები.

            ნაწერების შეფასებაში აქტიურად იყვნენ ჩართულნი ჟიურის წევრები და სასწავლო ნაწილის წარმომადგენლები. გამარჯვებულების ნამუშევრევრები სკოლის გვერდზე გასაჯაროვდება ეტაპობრივად.

            6

          • სასკოლო საბჭოს შეხვედრა

          • 24 აპრილს სკოლაში გაიმართა სასკოლო საბჭოს შეხვედრა, საბჭოს წევრები გაეცნენ 2025-2026 სასწავლო წლის შუალედურ ანგარიშს. შეხვედრის ფარგლებში, ასევე ვიმსჯელეთ მოსწავლეთა განვითარების სამომავლო გეგმებსა და იმ სტრატეგიულ ნაბიჯებზე, რომლებიც სასწავლო პროცესის გაუმჯობესებას შეუწყობს ხელს

          • ინტეგრირებული გაკვეთილი დედამიწის დღესთან დაკავშირებით.

          • სკოლა ენ-ჯის გეოგრაფიისა და ინგლისური ენის მასწავლებლების ინიციატივით, მე-9ა კლასში ჩატარდა ინტეგრირებული გაკვეთილი დედამიწის დღესთან დაკავშირებით.

            მოსწავლეებმა მოამზადეს პრეზენტაციები, იმუშავეს როგორც წყვილებში, ასევე ინდივიდუალურად და გამართეს დისკუსია ქართულ და ინგლისურ ენებზე.

            7

          • ქვესტი

          • სასწავლო პროცესის გამრავალფეროვნების მიზნით, ინგლისური ენის მასწავლებლის ინიციატივით, II-ბ კლასში მოეწყო სააღდგომო თემატიკის შემეცნებითი თამაში (ქვესტი). ღონისძიების ფარგლებში მოსწავლეებმა განივითარეს ლოგიკური აზროვნების, ორიენტაციისა და ჯგუფური მუშაობის უნარები.

            ​ბავშვებმა დიდი ინტერესით ჩაერთნენ აქტივობაში, წარმატებით დაძლიეს ყველა დაბრკოლება და შექმნეს სადღესასწაულო განწყობა.

            3

          • მუსიკალური სპექტაკლი — „ვინ გააღვიძებს ფიფქიას?“

          • 20 აპრილს 1ბ, 1ა, 2ბ, 3ბ და 4ბ კლასების მოსწავლეები დაესწრნენ მუსიკალურ სპექტაკლს — „ვინ გააღვიძებს ფიფქიას?“

            სკოლა ენ-ჯი ესტუმრა ამ შთამბეჭდავ წარმოდგენას, რომელმაც ბავშვებს დაუვიწყარი ემოციები და სიხარული აჩუქა

            სპექტაკლი სავსე იყო მუსიკით, ფერებითა და საინტერესო სცენებით, რაც პატარებისთვის ნამდვილად განსაკუთრებულ გამოცდილებად იქცა

            5

          • კონფერენცია თემაზე: " საქართველო და საერთაშორისო ორგანიზაციები".

          • 22 აპრილს მე-9/ა კლასში, მოქალაქეობის გაკვეთილის ფარგლებში ჩატარდა კონფერენცია თემაზე: " საქართველო და საერთაშორისო ორგანიზაციები". მოსწავლეებმა წარმოადგინეს საინტერესო პრეზენტაციები. იმსჯელეს რამდენად მნიშვნელოვანია საერთაშორისო ორგანიზაციებში საქართველოს აქტიური ჩართულობა. ასევე იმსჯელეს ევროკავშირის და საქართველოს ურთიერთობების შინაარსსა და მნიშვნელობაზე.

            3

          • 23 აპრილი წიგნის საერთაშორისო დღეა

          • 23 აპრილი წიგნის საერთაშორისო დღეა

            დღეს სკოლის ბიბლიოთეკაში ამ დღის აღსანიშნავად სკოლა ენ-ჯის ბიბლიოთეკარის ინიციატივით VIბ და VIIბ კლასის მოსწავლეები და მასწავლებლები შეუერთდნენ. დღესასწაულს საფუძველი 1923 წლის 23 აპრილს კატალონიაში ჩაეყარა. ძველისძველი კატალონიური ტრადიციის მიხედვით, ერის მფარველი წმინდანის, წმინდა გიორგის სახელობის დღეს ბარსელონელები და ქალაქის ირგვლივ მცხოვრებნი ერთმანეთს ვარდებს ჩუქნიდნენ. წიგნით მოვაჭრეთა გილდიას ეს ფაქტი ძალიან მოეწონათ და 1923 წლის 23 აპრილს, ვარდების სახალხო დღესასწაულზე, კატალონიაში მცხოვრებლებს ვარდებთან ერთად წიგნებიც აჩუქეს. 1995 წელს კატალონიამ იუნესკოს ამ დღესასწაულის შესახებ მიმართა, მის ინიციატივას გამომცემელთა საერთაშორისო ასოციაციაც შეუერთდა და გენერალური კონფერენციის გადაწყვეტილებით, 23 აპრილი მსოფლიო წიგნის დღედ გამოცხადდა. ამასთანავე ეს დღე 23 აპრილი უკავშირდება მიგელ სერვანტესის და უილიამ შექსპირის გარდაცვალების დღეს...

            ბიბლიოთეკარმა მოსწავლეებს წიგნის კითხვის მნიშვნელობაზე ესაუბრა, სადაც ბავშვები სწავლობენ გრძნობების გამოხატვას, მეგობრების შეძენას და სხვებზე ზრუნვას.

            ბავშვები საინტერესო პასუხებს სცემდნენ მასწავლებლის მიერ დასმულ შეკითხვებს.

            მოსწავლეები ერთმანეთს ეკითხებოდნენ - რომელი წიგნი წაიკითხე ბოლოს?

            და ურჩევდნენ თუ რატომ უნდა წაიკითხონ ესათუ ის წიგნი...

            150 წლის წინ, 1876 წლის 23 აპრილს ივანე ჯავახიშვილი დაიბადა.

            2

          • ეკლესიის ეზოში პლენერზე მუშაობა

          • სკოლა ენ-ჯის VI/ა კლასის მოსწავლეებმა, ხელოვნების მასწავლებლის ინიციატივით, ეკლესიის ეზოში პლენერზე იმუშავეს.

            პლენერზე ხატვა მათთვის არა მხოლოდ სასწავლო პროცესი, არამედ სიხარულით სავსე და შთამაგონებელი გამოცდილებაც აღმოჩნდა

            შედეგად მივიღეთ გულწრფელი, მრავალფეროვანი და ძალიან ლამაზი ნამუშევრები

            8

          • ვიზიტი "უნიკუსში" მასტერკლასზე

          • სკოლა ენ-ჯის III-V/ა კლასის მოსწავლეები სტუმრად ვიმყოფებოდით ,,უნიკუსში" სადაც ჩაუტარდათ სააღდგომო ტექის მასტერკლასი, მოსწავლებმა დიდი ინტერესით ჩაერთვენენ აღნიშნულ აქტირობაში და მიიღეს უამრავი ემოცია.

            44

          • საბავშვო წიგნის საერთაშორისო დღე

          • სკოლა ენ-ჯის ბიბლიოთეკარის ინიციატივით, დაწყებითი საფეხურის მოსწავლეებმა — II/ბ, III/ბ და IV/ბ კლასებმა — ეს დღე ბიბლიოთეკაში განსაკუთრებულად აღნიშნეს.

            საბავშვო წიგნის საერთაშორისო დღე 1967 წლიდან აღინიშნება და უკავშირდება დანიელი მეზღაპრის, ჰანს კრისტიან ანდერსენი დაბადების დღეს.

            ღონისძიების ფარგლებში ბავშვებმა წაიკითხეს ანდერსენის ცნობილი ზღაპრები, ხოლო ერთ-ერთმა მოსწავლემ თანაკლასელებს გააცნო მწერლის მოკლე ბიოგრაფია.

            აღნიშნული აქტივობის მიზანი იყო ბავშვებში კითხვის სიყვარულის გაღვივება, წიგნიერების პოპულარიზაცია და მათში ლიტერატურისადმი ინტერესის კიდევ უფრო გაძლიერება.

            3

          • მშობლის საათი

          • 8 აპრილს, სკოლა ენ-ჯის IIბ კლასში ჩატარდა მასტერკლასი გაზაფხულ- სააღდგომო თემატიკის ხელნაკეთი ნივთების დამზადებაზე.

            მოსწავლეებმა დიდი ინტერესითა და მონდომებით შექმნეს ფერადი და ორიგინალური ნამუშევრები, გამოიყენეს სხვადასხვა მასალა და გააფორმეს თავიანთი ხელნაკეთობები გაზაფხულისა და აღდგომის სიმბოლოებით.

            მასტერკლასმა ბავშვებს მისცა შესაძლებლობა, გამოევლინათ შემოქმედებითი უნარები, განევითარებინათ ფანტაზია და სასიამოვნო, მეგობრულ გარემოში ერთად გაეტარებინათ დრო.

            3

          • მშობლის საათი

          • 6 აპრილს სკოლა ენ-ჯის II/ბ კლასში ჩატარდა მშობელთა საათი, რომელიც მიეძღვნა სააღდგომო კულიჩების გაფორმებას.

            მშობლებმა, განსაკუთრებით კი დედებმა, აქტიურად მიიღეს მონაწილეობა და დაეხმარნენ ბავშვებს საკუთარი ფანტაზიისა და შემოქმედებითი უნარების გამოვლენაში. მოსწავლეებმა დიდი ინტერესითა და სიხარულით გააფორმეს სააღდგომო კულიჩები სხვადასხვა ფერის გლაზურით, კაშკაშა მოსაყრელებითა და ხელნაკეთი დეკორაციებით.

            6

          • კონფერენცია

          • 6 აპრილს სკოლა ენ-ჯიში ჩატარდა მათემატიკის კონფერენცია თემაზე: “ მათემატიკის როლი რეალურ ცხოვრებაში”, რომელიც მიეძღვნა მათემატიკუს საერთაშორისო დღეს . საბაზო საფეხურის VII-IX/ა კლასის მოსწავლეებმა წარადგინეს პრეზენტაციები სადაც ნასწავლი ფორმულების, წესების და ფიგურების რეალურ ცხოვრებაში გამოყენებაზე ისაუბრეს.

            16

          • მასტერკლასი

          • სკოლა ენ-ჯის III/ბ და V/ბ კლასებში კლასის ტუტორის ინიციატივით ჩატარდა მასტერკლასი თექის დამზადებაში: “სააღდგომო კვერცხები". მოსწავლეებმა დიდი ინტერესით მოეკიდნენ მუშაობას და მოამზადეს ნამუშევრები.

            74

          • ვიზიტი თოჯინების მუზეუმში

          • 27 მარტს სკოლის ენ-ჯის I/ბ კლასის მოსწავლეები, ხელოვნების მასწავლებლის ინიციატივით, იმყოფებოდნენ თოჯინების მუზეუმში. მათ დაათვალიერეს სხვადასხვა ეპოქის ექსპონატები და მიიღეს საინტერესო ინფორმაცია მათი შექმნის შესახებ.

            7

          • სკოლაში სტუმრად იმყოფებოდა ჟურნალისტი მარიამ ლიკლიკაძე

          • 21 მარტს საქართველოში, ჟურნალისტიკის დღე აღინიშნება. 25 მარტს სკოლა ენ-ჯი-ს ბიბლიოთეკარის მოწვევით, სკოლაში სტუმრად იმყოფებოდა ჟურნალისტი მარიამ ლიკლიკაძე, VII და VIII კლასის (ქართული სექტორი) მოსწავლეებს მარიამმა ესაუბრა ჟურნალისტიკის არსზე და მის მნიშვნელობაზე, თუ როდის და როგორ დაარსდა ქართული ჟურნალისტიკის დღედ 21 მარტი, საქართველოს ჟურნალისტთა ფედერაციამ და თბილისის სახელმწიფო უნივერსიტეტმა ერთობლივად დააწესეს 1993 წელს. სწორედ 1819 წლის 8 მარტს, ახალი სტილით 21 მარტს გამოვიდა პირველი ქართული გაზეთის პირველი ნომერი. შეხვედრამ მართლაც რომ საინტერესოდ ჩაიარა, მოსწავლეებს ქონდათ კითხვები, გამოვყოფდი - თავისუფალი და კრიტიკული მედიის არსებობასთან დაკავშირებით - კითხვას. მოსწავლეებმა სტუმარს პროფესიულ წინსვლა და განვითარება უსურვეს.

            6

          • მშობლის საათი

          • 26 მარტს სკოლა ენ-ჯის VII/ბ კლასში განსაკუთრებული და საინტერესო შეხვედრა გაიმართა. ერთ-ერთი მოსწავლის მშობელი გვესტუმრა და ბავშვებს საკუთარი პროფესიის შესახებ მოუყვა. მისი თემა იყო საჰაერო მოძრაობის მენეჯმენტი და დისპეჩერის საქმიანობა.

            სტუმარმა ძალიან გასაგებად და საინტერესოდ აუხსნა ბავშვებს, თუ რამდენად მნიშვნელოვანია დისპეჩერის როლი ავიაციაში. მან ისაუბრა, როგორ მართავენ დისპეჩერები თვითმფრინავების გადაადგილებას, როგორ უზრუნველყოფენ ფრენების უსაფრთხოებას და რამდენად დიდი პასუხისმგებლობა ეკისრებათ მათ ყოველდღიურ საქმიანობაში.

            2

          • 🎈 1 ივნისი — ბავშვთა დაცვის საერთაშორისო დღე 🎈

            🎈 1 ივნისი — ბავშვთა დაცვის საერთაშორისო დღე 🎈

            ბავშვთა დაცვის საერთაშორისო დღის აღსანიშნავად სკოლა „ენ-ჯიში“ სპორტის მასწავლებლის ინიციატივით ჩატარდა მხიარული სტარტები, რომელშიც მონაწილეობა მიიღეს II–V კლასების მოსწავლეებმა.

            ბავშვები ერთმანეთს სხვადასხვა სახალისო და სპორტულ აქტივობაში შეეჯიბრნენ, გამოავლინეს სისწრაფე, მოხერხებულობა, გუნდური მუშაობის უნარი და პოზიტიური განწყობა.

            ღონისძიებამ მხიარულ და მეგობრულ გარემოში ჩაიარა. მონაწილეებმა დაუვიწყარი დღე გაატარეს, მიიღეს უამრავი დადებითი ემოცია და კიდევ ერთხელ დარწმუნდნენ, რომ ყველაზე მნიშვნელოვანი გამარჯვება მეგობრობა, ერთობა და კარგი განწყობაა.

            💙 საბოლოოდ, გაიმარჯვა მეგობრობამ!

            გილოცავთ ბავშვთა დაცვის საერთაშორისო დღეს და გისურვებთ ბედნიერ, ნათელ და წარმატებულ ბავშვობას! 🌟👧👦⚽🏃‍♀️🏃‍♂️

            44

          • სასწავლო-შემეცნებითი ექსკურსი იმერეთში

            23-24 მაისს სკოლა ენ-ჯის IX/ა კლასის სასწავლო-შემეცნებითი ექსკურსია მოსწავლეთათვის საინტერესო და თავგადასავლებით სავსე მოგზაურობად იქცა იმერეთში. ექსკურსიის ფარგლებში მათ დაათვალიერეს გეგუთის სასახლე, მოწამეთას მონასტერი, ბაგრატის ტაძარი და გელათის მონასტერი, სადაც გაეცნენ საქართველოს ისტორიასა და კულტურულ მემკვიდრეობას.

            მეორე დღეს მოსწავლეებმა მოინახულეს პრომეთეს მღვიმე და სათაფლიის ნაკრძალი, რამაც მათზე განსაკუთრებული შთაბეჭდილება მოახდინა. ექსკურსიამ ხელი შეუწყო მოსწავლეთა შემეცნებითი ინტერესის, გუნდური მუშაობისა და სოციალური უნარების განვითარებას

            7

          • ვიზიტი მუსიკალური ინსტრუმენტების მუზეუმი-ში.

            22 მაისს სკოლის „ენ-ჯის“ II/ბ კლასის მოსწავლეები, ხელოვნების მასწავლებლისა და კლასის ტუტორის ორგანიზებით, საინტერესო და შემეცნებით ექსკურსიაზე იმყოფებოდნენ მუსიკალური ინსტრუმენტების მუზეუმი-ში.

            მუზეუმის სტუმრობა ბავშვებისთვის ნამდვილ აღმოჩენად იქცა — ისინი დიდი ინტერესით ათვალიერებდნენ უნიკალურ ექსპონატებს, ეცნობოდნენ სხვადასხვა ეპოქისა და კულტურის მუსიკალურ ინსტრუმენტებს და გაოცებულები რჩებოდნენ მათი მრავალფეროვანი ფორმებითა და ბგერის შექმნის უძველესი ტექნიკებით.

            განსაკუთრებული ინტერესი მოსწავლეებში გიდის საინტერესო თხრობამ გამოიწვია, რომელმაც იშვიათი ინსტრუმენტების ისტორია გააცნო ბავშვებს. ბევრმა მათგანმა მსგავსი ექსპონატები პირველად იხილა, რამაც ექსკურსია კიდევ უფრო შთამბეჭდავი და დასამახსოვრებელი გახადა.

            5

          • ექსკურსია ანანურში

            ისტორია, ბუნება და დაუვიწყარი ემოციები ანანურში!

            24 მაისს სკოლის ენ-ჯის III/ა კლასის მოსწავლეები დაუვიწყარ ექსკურსიაზე იმყოფებოდნენ — ულამაზეს და ისტორიულ ანანურის ციხესიმაგრე-ში.

            მოგზაურობა სავსე იყო ახალი შთაბეჭდილებებით, საინტერესო ისტორიებითა და ბედნიერი ემოციებით. ბავშვებმა ახლოდან დაათვალიერეს საქართველოს ერთ-ერთი გამორჩეული ისტორიული ძეგლი, დატკბნენ ულამაზესი ბუნებით და ერთად უამრავი სასიამოვნო მოგონება შექმნეს.

            11

          • მათემატიკური ვიქტორინა — „ყველაზე ჭკვიანი მათემატიკაში“.

            22 მაისს სკოლა ენ-ჯის მათემატიკის მასწავლებლის ინიციატივით, ჩატარდა 5/ბ კლასის მათემატიკური ვიქტორინა — „ყველაზე ჭკვიანი მათემატიკაში“.

            მოსწავლეები აქტიურად ჩაერთნენ შეჯიბრებაში, გამოავლინეს ცოდნა, ლოგიკური აზროვნება და სწრაფი მსჯელობის უნარი.

            ვიქტორინამ მეგობრული, საინტერესო და მოტივაციის ამაღლებელი გარემო შექმნა, სადაც ბავშვებმა ცოდნაც გაიღრმავეს და სასიამოვნოდაც გაატარეს დრო.

          • ექიმის საათი

            სკოლა ენ-ჯის მე-8/ბ კლასში ჩატარდა ექიმის საათი, რომელიც ჯანსაღი ცხოვრების წესს მიეძღვნა. ექიმმა მოზარდებს მარტივად და გასაგებად აუხსნა, თუ როგორ მოქმედებს მათ ორგანიზმზე მავნე ჩვევები, არასწორი ძილი და ფასტფუდი. მერვეკლასელებისთვის ასეთი შეხვედრები ძალიან მნიშვნელოვანია, რადგან ამ ასაკში ისინი თავად იწყებენ იმის გადაწყვეტას, თუ რით იკვებონ და როგორ გაატარონ თავისუფალი დრო. სპეციალისტის რჩევები დაეხმარა ბავშვებს, ზედმეტი მორალის კითხვის გარეშე, გვერდიდან შეეხედათ საკუთარი ჩვევებისთვის. საბოლოო ჯამში, შეხვედრამ მოსწავლეებს მისცა რეალური ორიენტირები საკუთარ ჯანმრთელობაზე ზრუნვისთვის.

          • ვიზიტი ეტნოგრაფიულ მუზეუმში

            სკოლა ენ-ჯი-ს 3-4/ა კლასის მოსწავლეები სტუმრობდნენ საქართველოს ეთნოგრაფიული მუზეუმი-ს.

            მოსწავლეებმა დაათვალიერეს საქართველოს სხვადასხვა კუთხის ტრადიციული სახლები, გაეცნენ ჩვენი წინაპრების ყოფა-ცხოვრებას, კულტურასა და ტრადიციებს.

            დღე განსაკუთრებით საინტერესო და შემეცნებითი აღმოჩნდა — ბავშვებმა ღია სივრცეში სასიამოვნოდ გაატარეს დრო, მიიღეს ახალი ცოდნა და კიდევ უფრო ახლოს გაიცნეს ქართული კულტურული მემკვიდრეობა.

            3

          • ვიზიტი თბილისის ისტორიის მუზეუში – ქარვასლაში

            სკოლა ენ-ჯი-ს ისტორიისა და ქართული ენის მასწავლებლების ინიციატივით, VI/ა კლასის მოსწავლეები სტუმრობდნენ თბილისის ისტორიის მუზეუმი – ქარვასლა-ს.

            მოსწავლეები დაესწრნენ ინტერაქციულ ლექციას — „როგორ იბადება თბილისი“, რომელიც ძალიან საინტერესო და შემეცნებითი აღმოჩნდა. ბავშვები დიდი ინტერესითა და აქტიურობით ჩაერთნენ ვიქტორინაში, დაათვალიერეს მუზეუმის ექსპოზიციები და უფრო ახლოს გაეცნენ ჩვენი დედაქალაქის ისტორიასა და კულტურულ მემკვიდრეობას.

            დღემ სასიამოვნო და შთამბეჭდავი გარემოში ჩაიარა, მოსწავლეები კი უამრავი დადებითი ემოციითა და ახალი შთაბეჭდილებით დაბრუნდნენ სახლში.

            6

          • სკოლა ენ-ჯი-ს სტუმრები ქართველი მწერლები — თაია ჭინჭარაული, თამარ ჩხაიძე და დადუნა ნადარაია.

            სკოლა ენ-ჯი-ს სტუმრობდნენ ქართველი მწერლები — თაია ჭინჭარაული, თამარ ჩხაიძე და დადუნა ნადარაია.

            შეხვედრაზე სრულიად განსხვავებული გამოცდილებები და ემოციები ერთ დიდ, ნამდვილ სიმართლედ გაერთიანდა. კიდევ ერთხელ მკაფიოდ გამოჩნდა, თუ რამდენად ძლიერი, გამბედავი და გამორჩეულია ქართველი ქალი.

            სათქმელი ითქვა ზუსტად, გულწრფელად და ყოველგვარი შელამაზების გარეშე — სიტყვებმა კი მიზანში პირდაპირ გაარტყა. სტუმრების შემოქმედებაში მკაფიოდ იგრძნობოდა წარსულისა და აწმყოს მიჯნაზე დაბადებული სევდა — განცდა იმისა, როცა ხვდები, რომ რაღაც ძვირფასი და ნაცნობი შეუმჩნევლად დაიკარგა და უკან ვეღარასოდეს დაბრუნდება… თუმცა, ამ სევდასთან ერთად, ცოცხლობდა დღევანდელობის სიხარულიც — წამიერი, ნამდვილი და ხელშესახები.

            ეს არის თაობა, რომელმაც ორ სამყაროს შორის გაიარა — ბრძოლით, იმედგაცრუებით, გადარჩენითა და ხელახლა წამოდგომით შექმნა საკუთარი გზა. სწორედ ამიტომ მათი თითოეული სიტყვა განსაკუთრებულად ღირებული და დასაფიქრებელი იყო.

            განსაკუთრებით შთამბეჭდავი აღმოჩნდა საუბარი პროფესიის არჩევაზე — თითქოს დროში მოგზაურობა…

            მწერლებმა მოსწავლეებს აუხსნეს, რომ პროფესია არ არის მხოლოდ დროებითი მოდის მიხედვით არჩეული გზა. მათი მთავარი გზავნილი იყო:

            აირჩიეთ საქმე, რომელიც დროს უძლებს — რომელიც ადამიანობას, შემოქმედებასა და საქმისადმი ერთგულებას ეფუძნება.

            მადლობა ჩვენს გამორჩეულ სტუმრებს გულწრფელი ემოციებისთვის, მნიშვნელოვანი სიტყვებისთვის და იმ შთაგონებისთვის, რომელიც ბავშვებს დიდხანს გაჰყვებათ.

          • „პირველი ნაბიჯები დიდ გალერეაში“

            „პირველი ნაბიჯები დიდ გალერეაში“

            მოხარულები ვართ გაცნობოთ, რომ ჩვენი სკოლის II/ა კლასის მოსწავლემ მონაწილეობა მიიღო ელენე ახვლედიანის ბავშვთა გალერეა-ს გამოფენაში.

            ეს მნიშვნელოვანი და ამაღელვებელი გამოცდილებაა პატარა ხელოვანისთვის — პირველი ნაბიჯი დიდი შემოქმედებითი სამყაროსკენ.

            ვულოცავთ მას ამ წარმატებას და ვუსურვებთ, მისი ფუნჯი მუდამ ისეთივე ფერადი, შთამაგონებელი და სითბოთი სავსე იყოს, როგორიც მისი ნამუშევრებია.

          • ვიზიტი უნიკუსში

            სკოლა ენ-ჯის II/ა კლასის მოსწავლეები, კლასის ტუტორისა და ხელოვნების მასწავლებლის ინიციატივით, ესტუმრნენ „უნიკუსს“, სადაც მონაწილეობა მიიღეს თიხის მასტერკლასში.

            მოსწავლეებმა შემოქმედებით და საინტერესო გარემოში საკუთარი ხელით შექმნეს სხვადასხვა ნამუშევარი, განივითარეს ფანტაზია, შემოქმედებითი უნარები და პრაქტიკულად გაეცნენ თიხაზე მუშაობის ტექნიკას. აქტივობამ ბავშვებში დიდი ინტერესი და დადებითი ემოციები გამოიწვია

            6

          • ვიზიტი კინოში

            13 მაისს სკოლა ენ-ჯის ინგლისური ენის მასწავლებლების ინიციატივით, XI „ა“ და XI „ბ“ კლასების მოსწავლეები დაესწრნენ ინგლისურენოვანი ფილმის ჩვენებას “ეშმაკს აცვია პრადა 2”. აქტივობის მიზანი იყო მოსწავლეების მოსმენის, მეტყველებისა და ენობრივი უნარების განვითარება, ასევე ინგლისური ენის პრაქტიკულად გამოყენების ხელშეწყობა სასწავლო გარემოს მიღმა. ფილმის ნახვის შემდეგ მოსწავლეებმა გამართეს საინტერესო დისკუსია და იმსჯელეს ფილმის მთავარ თემებსა და პერსონაჟებზე.

          • ინგლისური ენის გაკვეთილი ზოოპარკში!

            ინგლისური ენის გაკვეთილი ზოოპარკში!

            სკოლა ენ-ჯის II/ბ კლასის მოსწავლეებისთვის ჩატარდა გასვლითი გაკვეთილი ზოოპარკში.

            მას შემდეგ, რაც ინგლისური ენის გაკვეთილზე შეისწავლეს თემა — „ცხოველები ზოოპარკში“, მიღებული ცოდნის პრაქტიკაში გამოყენების მიზნით, ინგლისური ენის მასწავლებელმა და კლასის ტუტორმა მოსწავლეები ზოოპარკში წაიყვანეს.

            ეს დღე ბავშვებისთვის ნამდვილ დღესასწაულად იქცა. თითოეულმა მოსწავლემ ინგლისურ ენაზე ისაუბრა თავის საყვარელ ცხოველზე, დიდი ინტერესით დაათვალიერეს ზოოპარკის ბინადრები და მხიარულად გაატარეს დრო.

            ინტერაქტიული და შემეცნებითი აქტივობები მოსწავლეებს ეხმარება ინგლისური ენის უკეთ ათვისებაში, კომუნიკაციის უნარების განვითარებასა და სასწავლო პროცესის უფრო საინტერესო ფორმით აღქმაში.

            8

          • შემეცნებითი კონფერენცია თემაზე — შოთა რუსთაველის „ვეფხისტყაოსანი“.

            სკოლა ენ-ჯის X/ა კლასის მოსწავლეებმა უმცროსკლასელებისთვის შემეცნებითი კონფერენცია გამართეს თემაზე — შოთა რუსთაველის „ვეფხისტყაოსანი“.

            თანაგანმანათლებლობა სწავლების ერთ-ერთი მნიშვნელოვანი და გამჭოლი მიზანია — მიღებული ცოდნის სხვებისთვის გაზიარება, ინფორმაციის კიდევ უფრო გაღრმავება და საჯარო გამოსვლისთვის საჭირო უნარების განვითარება.

            კონფერენციის ფარგლებში უფროსკლასელებმა საინტერესო და გასაგები ფორმით წარუდგინეს პატარებს ინფორმაცია „ვეფხისტყაოსნის“ შესახებ, ისაუბრეს პერსონაჟებზე, ნაწარმოების მნიშვნელობასა და მის ღირებულებებზე.

            აქტივობა სახალისო და შთამბეჭდავი აღმოჩნდა პატარა მსმენელებისთვის, რადგან უფროსკლასელებმა წარმატებით მოირგეს მასწავლებლის როლი და დიდი ინტერესით ჩართეს მოსწავლეები სასწავლო პროცესში.

            4

          • ვიზიტი კინოში

            სკოლა ენ-ჯის V/ა კლასის მოსწავლეები, ინგლისური ენის მასწავლებელსა და ტუტორთან ერთად, კინოში იმყოფებოდნენ ინგლისურენოვანი ფილმის — „მარიოს“ — საყურებლად.

            გასვლითი აქტივობის მიზანი იყო მოსწავლეებისთვის ინგლისური ენის პრაქტიკული უნარების განვითარება, მოსმენის კულტურის გაუმჯობესება და სასწავლო პროცესის უფრო საინტერესო და სახალისო ფორმატში წარმართვა.

            მოსწავლეებმა დიდი ინტერესით უყურეს ფილმს, მიიღეს სასიამოვნო ემოციები და სასარგებლო გამოცდილება. დღე მათთვის შემეცნებითი და დასამახსოვრებელი აღმოჩნდა.

          • ბიბლიოთეკის ისტორია

            სკოლის ბიბლიოთეკარის ინიციატივით, სკოლის ბიბლიოთეკაში I-IV კლასების (ქართული სექტორი) მოსწავლეებთან საინფორმაციო და შემეცნებითი შეხვედრა გაიმართა. მოსწავლეები გაეცნენ ბიბლიოთეკის დაარსების ისტორიას, ბიბლიოთეკარის პროფესიის მნიშვნელობასა და მის ჩამოყალიბებას. ისაუბრეს იმაზეც, რომ ბიბლიოთეკარები ჯერ კიდევ ძველ ეგვიპტესა და საბერძნეთში არსებობდნენ.

            შეხვედრის ფარგლებში მოსწავლეებმა გაიგეს, რა ფუნქცია აკისრია ბიბლიოთეკარს, როგორ უწყობს ხელს ბიბლიოთეკა წიგნის სიყვარულისა და კითხვის კულტურის განვითარებას, ასევე ბიბლიოთეკის სისტემატური გამოყენების მნიშვნელობას.

            აგრეთვე საუბარი შეეხო პირველ წიგნსა და პირველ სტამბას, წიგნის შექმნისა და ბიბლიოთეკამდე მისვლის გზას. მოსწავლეები გაეცნენ ბიბლიოთეკაში ქცევის წესებს — წესრიგის, სიჩუმის დაცვის, წიგნების გაფრთხილებისა და ჰიგიენური ნორმების მნიშვნელობას.

            შეხვედრა ინტერაქტიულ ფორმატში წარიმართა — მოსწავლეებმა დასვეს საინტერესო კითხვები და სკოლის ბიბლიოთეკარისგან ამომწურავი პასუხები მიიღეს. თემამ მათში დიდი ინტერესი გამოიწვია და მრავალი ახალი და საჭირო ინფორმაცია შეიტყვეს, რაც საბიბლიოთეკო ცნობიერების ამაღლებას შეუწყობს ხელს.

            შეხვედრა შთამბეჭდავი და საინტერესო გამოვიდა.

            3

          • ბიბლიოთეკარის პროფესიული დღე

            30 აპრილს ბიბლიოთეკარის პროფესიული დღე აღინიშნება

            30 აპრილს, წიგნის ჩუქების კვირეულის ფარგლებში - სკოლა ,,ენ-ჯის" თრატრალურმა დასმა პროფესიული დღე მიულოცა ამავე სკოლის ბიბლიოთეკარს თამარ თავართქილაძეს, რომელიც 2003 წლიდან აღინიშნება. ეს არის დღე, რომელიც აღიარებს ბიბლიოთეკარების უდიდეს ღვაწლს წიგნიერი საზოგადოების ფორმირების პროცესში და სასკოლო ფესტივალზე მიღებული საჩუქრები - წიგნები გადასცეს სკოლის ბიბლიოთეკას საჩუქრად.

          • გასვლითი გაკვეთილი კახეთის სამეფოს მნიშვნელოვან ისტორიულ ძეგლებში — უჯარმის ციხე და ბოჭორმის ციხე.

            სკოლა „ენ-ჯის“ მე-10ა კლასის მოსწავლეებისთვის საქართველოს ისტორიის ფარგლებში ჩატარდა გასვლითი გაკვეთილი, რომელიც ემსახურებოდა კომპლექსური დავალების უკეთ დაგეგმვასა და თემის სიღრმისეულ გააზრებას.

            გაკვეთილის ფარგლებში მოსწავლეებმა მოინახულეს კახეთის სამეფოს მნიშვნელოვანი ისტორიული ძეგლები — უჯარმის ციხე და ბოჭორმის ციხე. ადგილზე მათ გაეცნენ ციხეების ისტორიას, სტრატეგიულ მნიშვნელობასა და კულტურულ როლს.

            გასვლითი გაკვეთილი ინტერდისციპლინური ხასიათის იყო — პროცესში აქტიურად იყვნენ ჩართულნი ინგლისური ენისა და გეოგრაფიის მასწავლებლები, რამაც კიდევ უფრო გაამდიდრა სასწავლო გამოცდილება და თემის მრავალმხრივი გააზრება უზრუნველყო.

            მოსწავლეები აქტიურად მონაწილეობდნენ დაკვირვებაში, მსჯელობასა და ანალიზში, რაც მნიშვნელოვნად დაეხმარათ როგორც ისტორიული ცოდნის გაღრმავებაში, ისე კომპლექსური დავალების ეფექტურად დაგეგმვაში.

            11

          • შემოქმედებითი და ინტერაქტიული გაკვეთილი — „ნახშირორჟანგის სასამართლო“.

            დედამიწის დღესთან დაკავშირებით, ქიმიის მასწავლებლის ინიციატივითა და ხელმძღვანელობით, მე-8ბ კლასში ჩატარდა შემოქმედებითი და ინტერაქტიული გაკვეთილი — „ნახშირორჟანგის სასამართლო“.

            გაკვეთილის ფარგლებში მოსწავლეებმა მოირგეს სხვადასხვა როლი: პროკურორმა წარადგინა საბრალდებო სიტყვა და ნახშირორჟანგი დაადანაშაულა დედამიწაზე მავნე ზემოქმედებაში. ექსპერტებმა და ეკოლოგებმა მეცნიერულად დაასაბუთეს აღნიშნული ბრალდებები.

            მეორე მხარეს, ადვოკატმა წარმოადგინა არგუმენტები და მტკიცებულებები, რომლებიც გარკვეულწილად ამსუბუქებდა ბრალდებულის პასუხისმგებლობას და წარმოაჩენდა მის როლს ბუნებრივ პროცესებში.

            საბოლოოდ, მოსამართლემ გამოიტანა განაჩენი წარმოდგენილი არგუმენტებისა და მტკიცებულებების საფუძველზე.

            გაკვეთილი გამოირჩეოდა მაღალი ჩართულობით — მოსწავლეები აქტიურად მონაწილეობდნენ დებატებში, ავითარებდნენ კრიტიკულ აზროვნებას და უკეთ გაიაზრეს გარემოსდაცვითი საკითხები.

    • კონტაქტი

      • სკოლა ენ-ჯი
      • ngschool1999@gmail.com
      • (+995 32) 265-26-67
      • გლდანი, ფორე მოსულიშვილის ქ. 20
        თბილისი
        0167 თბილისი
        Georgia

    • ანგარიშში შესვლა

  • ჩვენი სოციალური ქსელები