სკოლა ენ-ჯი/NG School აგრძელებს პირველკლასელთა რეგისტრაციას, ქართულ და რუსულ სექტორზე, 2026-2027 სასწავლო წლისთვის.
გთავაზობთ:
• მყუდრო, სასიამოვნო და უსაფრთხო გარემოს;
• კეთილგანწყობილ და თანამშრომლობით ატმოსფეროს;
• გაძლიერებული სწავლებას - ქართულ ენასა და ლიტერატურაში, მათემატიკაში და პირველ უცხოურ ენაში (ინგლისური);
• მეორე უცხოური ენის (რუსული) სწავლებას მეორე კლასიდან;
• ჭადრაკის, ცეკვის, მეტყველების, მითოლოგიის, კალიგრაფიის, კითხვის საათის გაკვეთილებს;
• დამატებით საგანმანათლებლო და სააღმზრდელო მომსახურებას - ფსიქოლოგის საათი, ექიმის საათი, ბიბლიოთეკის საათი და კლასის საათი.
სკოლა თანამშრომლობს ნოდარ დუმბაძის სახელობის მოზარდ მაყურებელთა თეატრთან.
სკოლის ტერიტორიაზე ფუნქციონირებს სხვა დამატებითი ფასიანი წრეები:
• ვოკალური სტუდია ბელ კანტო - Bel Canto.
• თეატრალური სტუდია;
• ხელოვნების/ხატვის წრე;
• მხატვრული ტანვარჯიში;
• ლოგოპედის მომსახურებას.
სასწავლო-აღმზრდელობითი პროცესი მიმდინარეობს 09:00დან – 18:00 საათამდე (I-IV კლასები).
სიახლე: მიმდინარე წელს პირველ კლასში რეგისტრაციას შეძლებენ ბავშვებიც, რომლებსაც 6 წელი 2026 წლის 31 დეკემბრის ჩათვლით უსრულდებათ.
მოსწავლის რეგისტრაციისთვის მიჰყევით ბმულს -
https://docs.google.com/.../1t3B36YmspefAheqPoZl14Jz.../edit
მისამართი: თბილისი, გლდანის “ა“ მ/რ, ფორე მოსულიშვილის ქუჩა N20.
საკონტაქტო ტელ: 265-26-67 / 558 770703
ელექტრონული ფოსტა: ngschool1999@gmail.com
Facebook გვერდი: https://www.facebook.com/www.ngschool.edupage.org/
ვებ გვერდი: https://ngschool.edupage.org/
სკოლა გთავაზობთ:
• მყუდრო, სასიამოვნო და უსაფრთხო გარემოს;
• კეთილგანწყობილ და თანამშრომლობით ატმოსფეროს;
• გაძლიერებული სწავლებას:
-ქართულ ენასა და ლიტერატურაში;
-მათემატიკაში;
-პირველ უცხოურ ენაში (ინგლისური);
• ჭადრაკის, ცეკვის, მეტყველების, მითოლოგიის, კალიგრაფიის, ხაზვის და კითხვის საათის გაკვეთილებს.
• დამატებით ტარდება:
- ფსიქოლოგის საათი;
- ექიმის საათი;
- ბიბლიოთეკის საათი;
- მშობლის საათი;
- კლასის საათი;
-გასვლითი გაკვეთილები/ექსკურსიები.
სკოლა თანამშრომლობს ნ.დუმბაძის სახელობის მოზარდმაყურებელთა თეატრთან, მოსწავლეები სასწავლო წლის მანძილზე ესწრებიან 4 სპექტაკლს.
I-IV კლასის მოსწავლეებს ვთავაზობთ ერთჯერად ჯანსაღ კვებას ;
სკოლაში ფუნქციონირებს სხვა დამატებითი ფასიანი წრეები:
• ვოკალური სტუდია ბელ კანტო - Bel Canto / ბელ კანტო - ვოკალური სტუდია / Vocal Studio;
• თეატრალური სტუდია რუსულ სექტორზე;
• ხელოვნების/ხატვის წრე;
• მხატვრული ტანვარჯიში;
სასწავლო-აღმზრდელობითი პროცესი მიმდინარეობს:
I-IV კლასებში 09:00 საათიდან – 18:00 საათამდე;
V-XII კლასებში 09:00 საათიდან – 15:00 საათამდე;
მისამართი: გლდანის “ა“ მ/რ, ფორე მოსულიშვილის ქუჩა N20.
საკონტაქტო ტელ: 265-26-67 558 770703
ელექტრონული ფოსტა: ngschool1999@gmail.com
Facebook გვერდი: https://www.facebook.com/
ვებ გვერდი: www.ngschool.edupage.org/
სკოლა ენ-ჯის 2025-2026 სასწავლო წლის დაგეგმილი სასკოლო ღონისძიებები
2025-2026 სასწავლო წლის
წლიური გამოცდები
(ჩატარდება 2026 წლის 08 ივნისიდან 12 ივნისის ჩათვლით)
დაწყებითი საფეხური
მუხლი 11
11.3. დაწყებითი კლასების საფეხურზე, IV კლასის ბოლოს ჩატარდება წლიური ტესტირებები:
1. ქართული ენა და ლიტერატურა (ქართული სექტორი);
2. ეთნიკური უმცირესობის ენა (რუსული) რუსული სექტორისთვის;
3. მათემატიკა (ორივე სექტორი);
4. პირველი უცხოური ენა (ინგლისური) (ორივე სექტორი);
11.4. შეფასება განხორციელდება - ოთხ დონიანი განმავითარებელი შეფასების რუბრიკით.
11.5. დაწყებითი კლასების საფეხურზე, V და VI კლასის ბოლოს ჩატარდება წლიური გამოცდები:
1. ქართული ენა და ლიტერატურა (ქართული სექტორი) ;
2. ეთნიკური უმცირესობის ენა (რუსული) (რუსული სექტორი);
3. მათემატიკა (ორივე სექტორი);
11.6. წლიური გამოცდის ქულას გავლენა ექნება საგნის წლიურ ქულაზე და გამოითვლება შემდეგი პრინციპით: საგნის I და II სემესტრის ქულას მიემატება გამოცდის ქულა და გაიყოფა სამზე.
საბაზო საფეხური
მუხლი 14
14.4. წლიური გამოცდა
14.4.1. სკოლა ვალდებულია საფეხურის ბოლოს გავიდეს საგნობრივი ჯგუფების სამიზნე ცნებებზე. ამ ამოცანის შესრულების მიზნით სასწავლო წლის ბოლოს სკოლა ატარებს წლიურ გამოცდებს, შემდეგ საგნებში/საგნობრივ ჯგუფში:
ქართული სექტორი
VII -VIII - IX კლასი- ქართული ენა და ლიტერატურა და მათემატიკა.
X კლასი-ქართული ენა და ლიტერატურა, ისტორია, არჩევითი საგანი მათემატიკა, ფიზიკა, ქიმია, ბიოლოგია. (მოსწავლეებს მიეცემათ საშუალება საკუთარი სურვილის მიხედვით აირჩიონ საგანი).
რუსული სექტორი
VII -VIII - IX კლასი- რუსული ენა და ლიტერატურა და მათემატიკა.
X კლასი - ინგლისური ენა, ისტორია, არჩევითი საგანი მათემატიკა, ფიზიკა, ქიმია, ბიოლოგია.(მოსწავლეებს მიეცემათ საშუალება საკუთარი სურვილის მიხედვით აირჩიონ საგანი).
14.4.2. წლიური გამოცდის ქულას გავლენა ექნება საგნის წლიურ ქულაზე და გამოითვლება შემდეგი პრინციპით: საგნის I და II სემესტრის ქულას მიემატება გამოცდის ქულა და გაიყოფა სამზე.
საშუალო საფეხური
მუხლი 14
14.4. წლიური გამოცდა
14.4.1. სკოლა ვალდებულია საფეხურის ბოლოს გავიდეს საგნობრივი ჯგუფების სამიზნე ცნებებზე. ამ ამოცანის შესრულების მიზნით სასწავლო წლის ბოლოს სკოლა XI კლასებში ატარებს წლიური გამოცდებს.
14.4.3. XI კლასი
ქართული სექტორი :
რუსული სექტორი:
14.4.4 წლიური გამოცდის ქულას გავლენა ექნება საგნის წლიურ ქულაზე და გამოითვლება შემდეგი პრინციპით: საგნის I და II სემესტრის ქულას მიემატება გამოცდის ქულა და გაიყოფა სამზე.
30 აპრილს ბიბლიოთეკარის პროფესიული დღე აღინიშნება
30 აპრილს, წიგნის ჩუქების კვირეულის ფარგლებში - სკოლა ,,ენ-ჯის" თრატრალურმა დასმა პროფესიული დღე მიულოცა ამავე სკოლის ბიბლიოთეკარს თამარ თავართქილაძეს, რომელიც 2003 წლიდან აღინიშნება. ეს არის დღე, რომელიც აღიარებს ბიბლიოთეკარების უდიდეს ღვაწლს წიგნიერი საზოგადოების ფორმირების პროცესში და სასკოლო ფესტივალზე მიღებული საჩუქრები - წიგნები გადასცეს სკოლის ბიბლიოთეკას საჩუქრად.
სკოლა „ენ-ჯის“ მე-10ა კლასის მოსწავლეებისთვის საქართველოს ისტორიის ფარგლებში ჩატარდა გასვლითი გაკვეთილი, რომელიც ემსახურებოდა კომპლექსური დავალების უკეთ დაგეგმვასა და თემის სიღრმისეულ გააზრებას.
გაკვეთილის ფარგლებში მოსწავლეებმა მოინახულეს კახეთის სამეფოს მნიშვნელოვანი ისტორიული ძეგლები — უჯარმის ციხე და ბოჭორმის ციხე. ადგილზე მათ გაეცნენ ციხეების ისტორიას, სტრატეგიულ მნიშვნელობასა და კულტურულ როლს.
გასვლითი გაკვეთილი ინტერდისციპლინური ხასიათის იყო — პროცესში აქტიურად იყვნენ ჩართულნი ინგლისური ენისა და გეოგრაფიის მასწავლებლები, რამაც კიდევ უფრო გაამდიდრა სასწავლო გამოცდილება და თემის მრავალმხრივი გააზრება უზრუნველყო.
მოსწავლეები აქტიურად მონაწილეობდნენ დაკვირვებაში, მსჯელობასა და ანალიზში, რაც მნიშვნელოვნად დაეხმარათ როგორც ისტორიული ცოდნის გაღრმავებაში, ისე კომპლექსური დავალების ეფექტურად დაგეგმვაში.
დედამიწის დღესთან დაკავშირებით, ქიმიის მასწავლებლის ინიციატივითა და ხელმძღვანელობით, მე-8ბ კლასში ჩატარდა შემოქმედებითი და ინტერაქტიული გაკვეთილი — „ნახშირორჟანგის სასამართლო“.
გაკვეთილის ფარგლებში მოსწავლეებმა მოირგეს სხვადასხვა როლი: პროკურორმა წარადგინა საბრალდებო სიტყვა და ნახშირორჟანგი დაადანაშაულა დედამიწაზე მავნე ზემოქმედებაში. ექსპერტებმა და ეკოლოგებმა მეცნიერულად დაასაბუთეს აღნიშნული ბრალდებები.
მეორე მხარეს, ადვოკატმა წარმოადგინა არგუმენტები და მტკიცებულებები, რომლებიც გარკვეულწილად ამსუბუქებდა ბრალდებულის პასუხისმგებლობას და წარმოაჩენდა მის როლს ბუნებრივ პროცესებში.
საბოლოოდ, მოსამართლემ გამოიტანა განაჩენი წარმოდგენილი არგუმენტებისა და მტკიცებულებების საფუძველზე.
გაკვეთილი გამოირჩეოდა მაღალი ჩართულობით — მოსწავლეები აქტიურად მონაწილეობდნენ დებატებში, ავითარებდნენ კრიტიკულ აზროვნებას და უკეთ გაიაზრეს გარემოსდაცვითი საკითხები.
22 აპრილს სკოლა „ენ-ჯიში“ გაიმართა ლიტერატურული კონკურსი „წერო — სკოლაში“. კონკურსის ფარგლებში მოსწავლეებმა ვიდეოანიმაციის ნახვის შემდეგ დაწერეს ესეები. მასში მონაწილეობდნენ მე-8/ა, მე-9/ა, მე-10/ა და მე-11/ა კლასების მოსწავლეები. სპეციალურად შექმნილმა ჟიურიმ გამოავლინა გამარჯვებულები.
28 აპრილს კი გაიმართა როგორც ამ კონკურსის დაჯილდოების ცერემონია, ისე ქართული ენისა და ლიტერატურის კათედრის ორგანიზებით შემოქმედებითი წერის ორი განსხვავებული ფორმატის კონკურსი.
პირველი კონკურსი ჩატარდა მწვანე სივრცეში — სკვერში, სადაც მოსწავლეებმა თავისუფალ თემებზე იმუშავეს. მეორე კონკურსში მონაწილეებმა ნაჩვენები ვიდეორგოლის შთაგონებით შექმნეს ჩანახატები.
კონკურსში მონაწილეობდა 16 მოსწავლე, რომელთაგან 8 საუკეთესო ნამუშევრის ავტორი გამოვლინდა. გამარჯვებულები სკოლა „ენ-ჯიმ“ სიგელებითა და სამახსოვრო წიგნებით დააჯილდოვა.
ამავე დღეს დაჯილდოვდნენ „წერო — სკოლაში“ კონკურსის გამარჯვებულებიც, რომელთაც გადაეცათ დიპლომები და წიგნები.
ნაწერების შეფასებაში აქტიურად იყვნენ ჩართულნი ჟიურის წევრები და სასწავლო ნაწილის წარმომადგენლები. გამარჯვებულების ნამუშევრევრები სკოლის გვერდზე გასაჯაროვდება ეტაპობრივად.
24 აპრილს სკოლაში გაიმართა სასკოლო საბჭოს შეხვედრა, საბჭოს წევრები გაეცნენ 2025-2026 სასწავლო წლის შუალედურ ანგარიშს. შეხვედრის ფარგლებში, ასევე ვიმსჯელეთ მოსწავლეთა განვითარების სამომავლო გეგმებსა და იმ სტრატეგიულ ნაბიჯებზე, რომლებიც სასწავლო პროცესის გაუმჯობესებას შეუწყობს ხელს
სკოლა ენ-ჯის გეოგრაფიისა და ინგლისური ენის მასწავლებლების ინიციატივით, მე-9ა კლასში ჩატარდა ინტეგრირებული გაკვეთილი დედამიწის დღესთან დაკავშირებით.
მოსწავლეებმა მოამზადეს პრეზენტაციები, იმუშავეს როგორც წყვილებში, ასევე ინდივიდუალურად და გამართეს დისკუსია ქართულ და ინგლისურ ენებზე.
სასწავლო პროცესის გამრავალფეროვნების მიზნით, ინგლისური ენის მასწავლებლის ინიციატივით, II-ბ კლასში მოეწყო სააღდგომო თემატიკის შემეცნებითი თამაში (ქვესტი). ღონისძიების ფარგლებში მოსწავლეებმა განივითარეს ლოგიკური აზროვნების, ორიენტაციისა და ჯგუფური მუშაობის უნარები.
ბავშვებმა დიდი ინტერესით ჩაერთნენ აქტივობაში, წარმატებით დაძლიეს ყველა დაბრკოლება და შექმნეს სადღესასწაულო განწყობა.
20 აპრილს 1ბ, 1ა, 2ბ, 3ბ და 4ბ კლასების მოსწავლეები დაესწრნენ მუსიკალურ სპექტაკლს — „ვინ გააღვიძებს ფიფქიას?“
სკოლა ენ-ჯი ესტუმრა ამ შთამბეჭდავ წარმოდგენას, რომელმაც ბავშვებს დაუვიწყარი ემოციები და სიხარული აჩუქა
სპექტაკლი სავსე იყო მუსიკით, ფერებითა და საინტერესო სცენებით, რაც პატარებისთვის ნამდვილად განსაკუთრებულ გამოცდილებად იქცა
22 აპრილს მე-9/ა კლასში, მოქალაქეობის გაკვეთილის ფარგლებში ჩატარდა კონფერენცია თემაზე: " საქართველო და საერთაშორისო ორგანიზაციები". მოსწავლეებმა წარმოადგინეს საინტერესო პრეზენტაციები. იმსჯელეს რამდენად მნიშვნელოვანია საერთაშორისო ორგანიზაციებში საქართველოს აქტიური ჩართულობა. ასევე იმსჯელეს ევროკავშირის და საქართველოს ურთიერთობების შინაარსსა და მნიშვნელობაზე.
23 აპრილი წიგნის საერთაშორისო დღეა
დღეს სკოლის ბიბლიოთეკაში ამ დღის აღსანიშნავად სკოლა ენ-ჯის ბიბლიოთეკარის ინიციატივით VIბ და VIIბ კლასის მოსწავლეები და მასწავლებლები შეუერთდნენ. დღესასწაულს საფუძველი 1923 წლის 23 აპრილს კატალონიაში ჩაეყარა. ძველისძველი კატალონიური ტრადიციის მიხედვით, ერის მფარველი წმინდანის, წმინდა გიორგის სახელობის დღეს ბარსელონელები და ქალაქის ირგვლივ მცხოვრებნი ერთმანეთს ვარდებს ჩუქნიდნენ. წიგნით მოვაჭრეთა გილდიას ეს ფაქტი ძალიან მოეწონათ და 1923 წლის 23 აპრილს, ვარდების სახალხო დღესასწაულზე, კატალონიაში მცხოვრებლებს ვარდებთან ერთად წიგნებიც აჩუქეს. 1995 წელს კატალონიამ იუნესკოს ამ დღესასწაულის შესახებ მიმართა, მის ინიციატივას გამომცემელთა საერთაშორისო ასოციაციაც შეუერთდა და გენერალური კონფერენციის გადაწყვეტილებით, 23 აპრილი მსოფლიო წიგნის დღედ გამოცხადდა. ამასთანავე ეს დღე 23 აპრილი უკავშირდება მიგელ სერვანტესის და უილიამ შექსპირის გარდაცვალების დღეს...
ბიბლიოთეკარმა მოსწავლეებს წიგნის კითხვის მნიშვნელობაზე ესაუბრა, სადაც ბავშვები სწავლობენ გრძნობების გამოხატვას, მეგობრების შეძენას და სხვებზე ზრუნვას.
ბავშვები საინტერესო პასუხებს სცემდნენ მასწავლებლის მიერ დასმულ შეკითხვებს.
მოსწავლეები ერთმანეთს ეკითხებოდნენ - რომელი წიგნი წაიკითხე ბოლოს?
და ურჩევდნენ თუ რატომ უნდა წაიკითხონ ესათუ ის წიგნი...
150 წლის წინ, 1876 წლის 23 აპრილს ივანე ჯავახიშვილი დაიბადა.
სკოლა ენ-ჯის VI/ა კლასის მოსწავლეებმა, ხელოვნების მასწავლებლის ინიციატივით, ეკლესიის ეზოში პლენერზე იმუშავეს.
პლენერზე ხატვა მათთვის არა მხოლოდ სასწავლო პროცესი, არამედ სიხარულით სავსე და შთამაგონებელი გამოცდილებაც აღმოჩნდა
შედეგად მივიღეთ გულწრფელი, მრავალფეროვანი და ძალიან ლამაზი ნამუშევრები
სკოლა ენ-ჯის III-V/ა კლასის მოსწავლეები სტუმრად ვიმყოფებოდით ,,უნიკუსში" სადაც ჩაუტარდათ სააღდგომო ტექის მასტერკლასი, მოსწავლებმა დიდი ინტერესით ჩაერთვენენ აღნიშნულ აქტირობაში და მიიღეს უამრავი ემოცია.
სკოლა ენ-ჯის ბიბლიოთეკარის ინიციატივით, დაწყებითი საფეხურის მოსწავლეებმა — II/ბ, III/ბ და IV/ბ კლასებმა — ეს დღე ბიბლიოთეკაში განსაკუთრებულად აღნიშნეს.
საბავშვო წიგნის საერთაშორისო დღე 1967 წლიდან აღინიშნება და უკავშირდება დანიელი მეზღაპრის, ჰანს კრისტიან ანდერსენი დაბადების დღეს.
ღონისძიების ფარგლებში ბავშვებმა წაიკითხეს ანდერსენის ცნობილი ზღაპრები, ხოლო ერთ-ერთმა მოსწავლემ თანაკლასელებს გააცნო მწერლის მოკლე ბიოგრაფია.
აღნიშნული აქტივობის მიზანი იყო ბავშვებში კითხვის სიყვარულის გაღვივება, წიგნიერების პოპულარიზაცია და მათში ლიტერატურისადმი ინტერესის კიდევ უფრო გაძლიერება.
8 აპრილს, სკოლა ენ-ჯის IIბ კლასში ჩატარდა მასტერკლასი გაზაფხულ- სააღდგომო თემატიკის ხელნაკეთი ნივთების დამზადებაზე.
მოსწავლეებმა დიდი ინტერესითა და მონდომებით შექმნეს ფერადი და ორიგინალური ნამუშევრები, გამოიყენეს სხვადასხვა მასალა და გააფორმეს თავიანთი ხელნაკეთობები გაზაფხულისა და აღდგომის სიმბოლოებით.
მასტერკლასმა ბავშვებს მისცა შესაძლებლობა, გამოევლინათ შემოქმედებითი უნარები, განევითარებინათ ფანტაზია და სასიამოვნო, მეგობრულ გარემოში ერთად გაეტარებინათ დრო.
6 აპრილს სკოლა ენ-ჯის II/ბ კლასში ჩატარდა მშობელთა საათი, რომელიც მიეძღვნა სააღდგომო კულიჩების გაფორმებას.
მშობლებმა, განსაკუთრებით კი დედებმა, აქტიურად მიიღეს მონაწილეობა და დაეხმარნენ ბავშვებს საკუთარი ფანტაზიისა და შემოქმედებითი უნარების გამოვლენაში. მოსწავლეებმა დიდი ინტერესითა და სიხარულით გააფორმეს სააღდგომო კულიჩები სხვადასხვა ფერის გლაზურით, კაშკაშა მოსაყრელებითა და ხელნაკეთი დეკორაციებით.
6 აპრილს სკოლა ენ-ჯიში ჩატარდა მათემატიკის კონფერენცია თემაზე: “ მათემატიკის როლი რეალურ ცხოვრებაში”, რომელიც მიეძღვნა მათემატიკუს საერთაშორისო დღეს . საბაზო საფეხურის VII-IX/ა კლასის მოსწავლეებმა წარადგინეს პრეზენტაციები სადაც ნასწავლი ფორმულების, წესების და ფიგურების რეალურ ცხოვრებაში გამოყენებაზე ისაუბრეს.
სკოლა ენ-ჯის III/ბ და V/ბ კლასებში კლასის ტუტორის ინიციატივით ჩატარდა მასტერკლასი თექის დამზადებაში: “სააღდგომო კვერცხები". მოსწავლეებმა დიდი ინტერესით მოეკიდნენ მუშაობას და მოამზადეს ნამუშევრები.
სკოლა ენ-ჯის I/ბ კლასში სკოლის ექიმმა ჩაატარა ექიმის საათი თემაზე: “მონელების პროცესი”
27 მარტს სკოლის ენ-ჯის I/ბ კლასის მოსწავლეები, ხელოვნების მასწავლებლის ინიციატივით, იმყოფებოდნენ თოჯინების მუზეუმში. მათ დაათვალიერეს სხვადასხვა ეპოქის ექსპონატები და მიიღეს საინტერესო ინფორმაცია მათი შექმნის შესახებ.
25-27 მარტს სკოლის ენ-ჯის ინფორმაციულმა მენეჯერმა საბაზო და საშუალო საფეხურის VII–XIა/ბ კლასის მოსწავლეებისთვის ჩაატარა საინფორმაციო ტრენინგი თემაზე: „სკოლის სოციალური ქსელების გაცნობა, სკოლის ვებგვერდის გაცნობა და მასზე განთავსებული დოკუმენტების მიმოხილვა“.
ტრენინგის დასრულების შემდეგ მოსწავლეებმა დასვეს მათთვის საინტერესო კითხვები სხვადასხვა დოკუმენტთან დაკავშირებით და მიიღეს ამომწურავი პასუხები.
8 დეკემბერს "სკოლა ენ-ჯი" - ში მეტყველების და მედიაწიგნიერების მასწავლებელმა შოკო ტალიკიშვილმა მოწვეულ სტუმართან, მსახიობთან და მეტყველების სპეციალისტთან, თეატრალური უნივერსიტეტის პროფრსორთან - ნანა ხურითთან ერთად ჩაატარა მასტერკლასი, სადაც საკუთარ საავტორო ლიტერატურასთან ერთად ,ბავშვებმა წარმოადგინეს საკუთარი ენის გასატეხები ლექსების სახით.
წარმოდგენილმა ლიტერატურამ და საკლასო პროცესმა მსახიობი აღტაცებაში მოიყვანა.
მეტყველების, როგორც დამატებითი საგნის სასკოლო მიმართულება მსახიობმა ქალბატონმა უმაღლესი ქულით შეაფასა.
6 დეკემბერს "სკოლა ენ ჯი" -ს 1-ლ და მე-2/ ბ კლასებში, გაიანე არუთუნოვას ინიციატივით ჩატარდა ვიქტორინა თემაზე: " სახალისო მათემატიკა" მოსწავლეებმა განიხილეს საკითხები და მიიღეს ამოუწურავი ინფორმაცია.
5 დეკემბერს "სკოლა ენ-ჯი" - ჩატარდა შეხვედრა სარეაბილიტაციო ცენტრი: " ფიზიკური თერაპიის ჰაბი" -ს წარმომადგენლებთან თემაზე: " ფიზიკური აქტივობა და ჯამრთელობა" შეხვედრას ესწრებოდნენ მე-6 დან მე-11 კლასის ჩათვლით მოსწავლეები
30 ნოემბერს მოსწავლეთა სათათბიროს ინიციატივითა და სათათბიროს თავჯდომარის: ნიკა კრავცოვის ჩართულობით, სკოლის მე-5/ა, მე-6/ა და მე-7/ა კლასებში ჩატარდა საუბარი-შეხვედრები თემაზე: "ბავშვთა უფლებების დეკლარაცია". შეხვედრების ფარგლებში მოსწავლეები კიდევ ერთხელ გაეცვნენ დეკლარაციის ძირითად პრინციპებს, შეასრულეს ქვიზები და ამომწურავად იმსჯელეს თემის საკითხებზე.
4 დეკემბერს ქართული ენის მასწავლებლის მონიკა ჭანტურიას ორგანიზებით მე-6/ა კლასი ესტუმრა ილია ჭავჭავაძის სახელობის საქართველოს ეროვნულ ბიბლიოთეკას. ვიზიტის მიზანი გახლდათ წიგნთან ურთიერთობის უნარების გამომუშავება. მოსწავლეები შეხვდნენ და გაესაუბრნენ ბიბლიოთეკის დირექტორის მოადგილეს ბატონ გიორგი კილაძეს. შიდაექსკურსიას უძღვებოდა ქალბატონი მარი კალანდაძე, რომელმაც ბავშვებს გააცნო ბიბლიოთეკის ისტორია, აჩვენა სხვადასხვა კაბინეტები, დარბაზები და წიგნის მუზეუმი, სადაც მოსწავლეებმა დაათვალიერეს “ვეფხისტყაოსნის" კოლექცია, ეწვივნენ ილია ჭავჭავაძის სამუშაო ოთახს. გარდა ამისა გაეცვნენ კატალოგების მნიშვნელობას, მათი გამოყენების წესს. ვიზიტის ბოლოს მოსწავლეებმა სურვილი გამოთქვეს გამხდარიყვნენ ეროვნული ბიბლიოთეკის მომავალი მკითხველები.
,,საგანმანათლებლო დაწესებულებების ავტორიზაციის დებულებისა და საფასურის დამტკიცების შესახებ" საქართველოს განათლებისა და მეცნიერების მინისტრის 2010 წლის 1 ოქტომბრის №99/ნ ბრძანებით დამტკიცებული ,,ზოგადსაგანმანათლებლო დაწესებულებების ავტორიზაციის სტანდარტების" (დანართი №5) შესაბამისად, სკოლის სახელწოდება უნდა შეესაბამებოდეს მისი სტატუსის აღმნიშვნელ, კანონმდებლობით დადგენილ ტერმინს, რაც ავტორიზაციის პირველი სტანდარტის (სკოლის ფილოსოფია) ერთ - ერთი ინდიკატორია
ზოგადსაგანმანათლებლო დაწესებულებების ავტორიზაციის სტანდარტებში 2022 წელს შესული ცვლილების თანახმად (საქართველოს განათლებისა და მეცნიერების მინისტრის 2022 წლის 29 დეკემბრის N145/ნ ბრძანება), ზოგადსაგანმანათლებლო დაწესებულების/სკოლის სახელწოდების სტანდარტი მოიცავს სახელწოდებაში სტატუსის აღმნიშვნელი, კანონმდებლობით დადგენილი ტერმინის - ,,ზოგადსაგანმნათლებლო დაწესებულება " ან/და, სკოლა "ასახვას .
შპს ახალმა ქართულმა გიმნაზიამ (ს/კ 200036497) გაითვალისწინა კანონმდებლობაში შესული ცვლილებები და მიიღო გადაწყვეტილება სკოლის სახელწოდების შეცვლასთან დაკავშირებით.
2023 წლის 04 დეკემბრიდან „ახალი ქართული გიმნაზიის“ სახელწოდებაა
- შპს სკოლა ენ-ჯი (ს/კ 200036497).
ინგლისურად სკოლას ქვია- next generation school , შემოკლებით NG SCHOOL (შინაარსობრივად - შემდეგი/მომავალი თაობის სკოლა), ხოლო ქართულად- სკოლა ენ-ჯი.
შესაბამისად შევცვალეთ ლოგოც.
არსებული ცვლილებები არანაირ გავლენას არ ახდენს, არც მასწავლებელზე და არც მოსწავლეებზე. ბანკში გადახდისას მხოლოდ სკოლის სახელი დახვდებათ შეცვლილი, საბანკო ანგარიშიც და საიდენტიფიკაციო კოდიც იგივეა.
4 დეკემბერს, მე-3/ა და მე-3/ბ კლასების გუნდებს შორის გაიმართა სპორტული შეჯიბრი: „მხიარული სტარტები“. ღონისძიების ორგანიზატორი იყო სკოლის სპორტის მასწავლებელი: ვიქტორია მგელაძე. შეჯიბრის დასასრულს მე-3/ა კლასის გუნდმა მცირე უპირატესობით აჯობა მე-3/ბ კლასის გუნდს, თუმცა ამ შემთხვევაშიც მეგობრობამ გაიმარჯვა... მადლობა მოსწავლეებს მაღალი ორგანიზებულობისთვის, მოხერხებულობისთვის და კეთილგანწყობისთვის.
სკოლის სააქტო დარბაზში ინგლისური ენის საგნობრივი ჯგუფის მასწავლებლებმა: ნ. სარალიძემ, ს. გოგატიშვილმა და ხ. ბახბაიამ მე-7/ა, მე-8/ა მე-9/ა და მე-9/ბ კლასის მოსწავლეებთან ერთად ჩაატარეს ინგლისურენოვანი კონფერენცია თემაზე: “მადლიერების დღის აღნიშვნის ტრადიცია ინგლისურენოვან ქვეყნებში”. მოსწავლეებმა საინტერესოდ წარმოადგინეს თემები აღნიშნულ თემაზე.
29/30 ნოემბერს 5/ა და 6/ა კლასებში „ჩვენი საქართველოს“ მასწავლებელმა მზია ცხოვრებაძემ განახორციელა საგნობრივი პროექტი: ”საქართველოს ისტორიულ-ეთნოგრაფიული კუთხეები”. ორივე კლასის მოსწავლეებმა შექმნეს და წარმოადგინეს საინტერესო მაკეტები საქართველოს სხვადასხვა კუთხის არქიტექტურაზე და მოახდინეს საკუთარი ნამუშევრების პრეზენტაცია.
დაწყებითი საფეხურის I-IV კლასებში ქართული ცეკვის მასწავლებელმა მარიამ მესხმა ჩაატარა ქართული ცეკვის საჩვენებელი გაკვეთილები.
4 დეკემბერი დიდი ქართველი პოეტის, მე-19 საუკუნის ქართული რომანტიზმის თვალსაჩინო წარმომადგენელის - ნიკოლოზ ბარათაშვილის დაბადების დღეა. ამ თარიღის აღსანიშნავად სკოლის მე-8/ა კლასში ქართული ენისა და ლიტერატურის მასწავლებლის -მონიკა ჭანტურიას ინიციატივით ჩატარადა შიდასაგაკვეთილო საათი თემაზე: "ბარათაშვილს აქ უყვარდა ობლად სიარული"...მოსწავლეები დიდი ინტერესით გაეცნენ პოეტის უიღბლო ცხოვრების დეტალებს, მოუსმინეს მის ლექსებს.
ხელოვნების მასწავლებელის ნანა მისკალიშვილის ინიციატივით 24 ნოემბერს მოეწყო მოსწავლეთა ნამუშევრების გამოფენა თემაზე: "ჩვენ ვბაძავთ კალიგრაფებს"
30 ნოემბერს სკოლის ორივე სექტორის I-V კლასები ვიზიტით იმყოფებოდნენ საქართველოს ტექნიკური უნივერსიტეტის ახალგაზრდული დასის “მოდი ნახე”-ს სპექტაკლზე: “მოჯადოებული გალიები”
I/ბ კლასის დამრიგებელმა სადამრიგებლო პროგრამის “მშობლის საათის” ფარგლებში 30 ნოემბერს კლასთან სასაუბროდ მოიწვია მშობელი ევგენია მერაბიშვილი, რომელიც ბავშვებს ესაუბრა “ფინანსური განათლებელების” მნიშვნელოვაზე.სკოლა მადლობას უხდის ევგენია მერაბიშვილს სასკოლო ცხოვრებაში აქტიური ჩართულობისა და თანამშრომლობისთვის.
24 ნოემბერს დამრიგებლის - გაიანე არუთინოვას ინიციატივით I/ბ კლასის მოსწავლეებმა სურვილებითა და ნატვრებით სავსე საშობაო წერილები გაუგზავნეს “თოვლის პაპას” ლაპლანდიაში.
29 ნოემბერს მასწავლებლის - ეთერ დოგუზოვის ინიციატივით, მე-3/ბ კლასში საგანის “მე და საზოგადოება” ფარგლებში განხორციელდა შეხვედრა სკოლის ექიმთან, რომელიც ბავშვებს ესაუბრა “ჯანსაღი ცხოვრების წესსა და ჩვევებზე”
29 ნოემბერს მე-5/ა კლასის მოსწავლეები დამრიგებელ ნატალია სარალიძესთან ერთად ვიზიტით იმყოფებოდნენ ექსპერიმენტარიუმში.
27 ნოემბერს საბიბლიოთეკო პროექტის: “ცოცხალი წიგნების” ფარგლებში, I-IV კლასებში ჩატარდა იაკობ გოგებაშვილისადმი მიძღვნილი საინფორმაციო გაკვეთილები, მოსწავლეები გაეცვნენ მის ცხოვრებას და მოღვაწეობას, ხოლო ბოლოს კიდევ ერთხელ წაიკითხეს მისი საბავშვო მოთხრობები და მოაწყვეს მცირე დისკუსია. პროექტის ინიციატორია სკოლის ბიბლიოთეკარი: თამარ თავართქილაძე, ხოლო პროექტში აქტიურად იყვნენ ჩართულები ქართული ენის მასწავლებლები: ეთერ ხორგუანი და ნანა ჯელაძე.
27 ნოემბერს, მადლიერების დღესთან დაკავშირებით,ინგლისური ენის მასწავლებელმა ხატია ბახბაიამ მე-9/ბ კლასის მოსწავლეებთან ერთად მოაწყო ამ დღესასწაულთან დაკავშირებული თემების განხილვა-პრეზენტაცია.
Powered by aSc EduPage
