სიახლეები

      • სკოლა ენ-ჯი/NG School, 2025-2026 სასწავლო წლისთვის, იწყებს მოსწავლეთა რეგისტრაციას ქართული და რუსული სექტორის კლასებში.

        სკოლა გთავაზობთ:

        • მყუდრო, სასიამოვნო და უსაფრთხო გარემოს;

        • კეთილგანწყობილ და თანამშრომლობით ატმოსფეროს;

        • გაძლიერებული სწავლებას

        ქართულ ენასა და ლიტერატურაში;

        მათემატიკაში;

        პირველ უცხოურ ენაში (ინგლისური);

        • ჭადრაკის, ცეკვის, მეტყველების, მითოლოგიის, კალიგრაფიის, კითხვის საათის გაკვეთილებს- დაწყებით საფეხურზე;

        • დამატებით საგანმანათლებლო და სააღმზრდელო მომსახურებას:

        - ფსიქოლოგის საათი;

        - ექიმის საათი;

        - ბიბლიოთეკის საათი;

        - მშობლის საათი;

        - კლასის საათი;

        • თეატრის დღეებს;

        • ერთჯერად ჯანსაღ კვებას I-IV კლასებში;

        სკოლის ტერიტორიაზე ფუნქციონირებს სხვა დამატებითი ფასიანი წრეები:

        • ვოკალური სტუდია ბელ კანტო - Bel Canto / ბელ კანტო - ვოკალური სტუდია / Vocal Studio;

        • თეატრალური სტუდია;

        • ხელოვნების/ხატვის წრე;

        • ქართული ცეკვა;

        • N20 მუსიკალური სკოლა;

        • მხატვრული ტანვარჯიში;

        • კინგბოქსინგი;

        სასწავლო-აღმზრდელობითი პროცესი მიმდინარეობს 09:00 საათიდან – 15:00 საათამდე (18:00 საათამდე I-IV კლასები);

        მისამართი: გლდანის “ა“ მ/რ, ფორე მოსულიშვილის ქუჩა N20.

        საკონტაქტო ტელ: 265-26-67  558 770703

        ელექტრონული ფოსტა: ngschool1999@gmail.com

        Facebook გვერდი: https://www.facebook.com/

        ვებ გვერდი: www.ngschool.edupage.org/

         

         

          • "მხიარული მეცნიერება" გიმნაზიაში

          • მე-3 ა  კლასისთვის სასწავლო წელი შემეცნებითი და მხიარული განწყობით დაიწყო.

            კლასის საათზე,  ლილეს იუბილე ინტელექტუალურად და კრეატიულად აღვნიშნეთ.

            ჩვენ " მხიარული მეცნიერების"  მასპინძლები ვიყავით და მართლაც,  გაოცებულნი დავრჩით. აქ სრული  ჯადოქრობა ტრიალებდა. ბავშვებმა ქიმიური ცდები და გარდასახვები არა მარტო იხილეს,  თავადაც გახდნენ პატარა მეცნიერები.

            ჩვენთან, სხვა სითბო და სიყვარული ტრიალებს. აქ,  შემოქმედი და  ინტელექტუალური თაობები იზრდებიან. აქ, " ახალი ქართული გიმნაზიაა"!!!

          • მოსწავლეთა სათათბიროს არჩევნები

          •  

            პირველად გიმნაზიაში

            2023 წლის 29 სექტემბერს  ტარდება მოსწავლეთა სათათბიროს არჩევნები

             

            - მოსწავლეთა სათათბიროს არჩევნებში მონაწილეობის მიღების უფლება აქვს, საბაზო-საშუალო საფეხურის ყველა მოსწავლეს;

            - მოსწავლეები, რომელთაც სურთ არჩეულნი იყვნენ სათათბიროში რეგისტრაციას გადიან კლასის დამრიგებლებთან, 2023 წლის 18 სექტემბრიდან 22 სექტემბრის ჩათვლით.

            - საბაზო და საშუალო საფეხურის მოსწავლეთა სათათბიროში თითოეული კლასის მოსწავლეები ირჩევენ ორ წარმომადგენელს.

             

            მოსწავლეთა სათათბიროს  არჩევნები ჩატარდება  საგაკვეთილო პროცესის შემდეგ (საკლასო ოთახებში), ელექტრონული ფორმატით (Google Drive-ის გამოყენებით) ჩატარდება.

             

            გთხოვთ აქტიურად ჩაერთოთ და მონაწილეობა მიიღოთ მოსწავლეთა სათათბიროს არჩევნებში.

             

             

          • “Ngg - საზაფხულო ბანაკი 2023”

          • “დასრულდა ესე ამბავი, ვითა სიზმარი ღამისა”…..

            “Ngg - საზაფხულო ბანაკი 2023”დასრულდა, გული გვწყდება, რადგან ურთიერთობებისთვის დრო მაინც არ გვეყო, თუმცა საოცარი სითბო და სიყვარული გამოვიყოლეთ ერთმანეთის…

            ესეც ჩვენი საერთო ფოტო ამ დაუვიწყარი დღეების სამახსოვროდ!!!

          • საზაფხულო ბანაკი ბორჯომში

          • წელს პირველად გიმნაზიაში განხორციელდა, სამოქალაქო განათლების პროექტი -"საზაფხულო ბანაკი ბორჯომში", ბანაკში გუშინ გაემგზავრნენ გიმნაზიის 35 საბაზო-საშუალო საფეხურის მოსწავლე. პროექტის ხელმძღვანელი, დირექტორის მოადგილე მაია გურასპიშვილი Maia Guraspishvili და პროეექტის ასისტენტი, ჩვენი მასწავლებელი მარიკა შუღლიაშვილი.

            ბანაკში ყოფნის დროს მოსწავლეები გაეცნობიან და იმუშავებენ შემდეგ საკითხებზე:

            Ø პიროვნული განვითარება;

            Ø ინტერპერსონალური ურთიერთობები;

            Ø ეფექტური კომუნიკაცია კონფლიქტების რეგულაცია და მოლაპარაკების უნარი;

            Ø კრიტიკული აზროვნება;

            Ø სოციალური პასუხისმგებლობა;

            ბანაკში, ასევე, ჩატარდება სპორტულ თამაშები, ლიტერატურული განხილვები, კინო-ჩვენებები და მრავალ სხვა ღონისძიებები.

            https://www.facebook.com/hotelmtisbroliborjomi.hotel

          • სასკოლო კონფერენცია

          • 35

            დღეს 19 ივნისს გიმნაზიის სააქტო დარბაზში ჩატარდა სასკოლო კონფერენცია. მომხსენებლები იყვნენ საგნის მასწავლებლები. მოვისმინეთ 22 მასწავლებლის გამოსვლა,მათ ისაუბრეს სასწავლო წლის მანძილზე  ჩატარებული საინტერესო აქტივობებისა და მათი გამოცდილების შესახებ. მადლობა თითოეულ მათგანს ჩატარებული მუშაობისთვის.

          • 2 ივნისს ჩატარდა სასკოლო ტურნირი ჭადრაკში

          • მონაწილეობას იღებდნენ მოსწავლეები მე-3-დან მე-8 კლასის ჩათვლით, გოგონები და ბიჭები.

            ტურნირი გაიმართა შვეიცარიული სისტემით, 7 ტურად.

            გამარჯვებულები გამოვლინდნენ სქესისა და ასაკის მიხედვით. მოსწავლეები დაჯილდოვდნენ თასებით, მედლებით და დიპლომებით. მათ, ვინც ვერ დაიკავა საპრიზო ადგილი, გადაეცათ პატარა საჭადრაკო სუვენირები.

            გოგონათა შორის პირველი ადგილი დაიკავა - ნუცა ჯიქიამ. მეორე ადგილი - მუსაევა შევვალ. მესამე ადგილი - სამხარაძე სოფია.

            მე-3, მე-4 და მე-5 კლასებს შორის პირველი ადგილი დაიკავა - პოლიაკოვ დანიელმა. მეორე ადგილი - ჯიჯელავა ბექა. მესამე ადგილი - ხეჩოიანი ალექსი.

            მე-6, მე-7 და მე-8 კლასებს შორის პირველი ადგილი დაიკავა - ხეჩოიან მიხეილმა. მეორე ადგილი - ნევსკი კოტე. მესამე ადგილი - გაჩეჩილაძე გიორგი.

            4

          • სახალისო ცდები ქიმიაში მეშვიდეკლასელებისთვის

          • ვინაიდან მე-8 კლასიდან ვიწყებთ ქიმიის სწავლებას, ,დღეს მე-7 კლასში ჩავატარეთ საინტერესო და სახალისო ცდები. მოსწავლეები გაეცნენ რამოდენიმე ნივთიერების ფიზიკურ და ქიმიურ თვისებებს. ძალიან დიდი იყო მათი მოტივაცია. წარმატებები მინდა ვუსურვო ჩვენს გიმნაზიელებს .წინ კიდევ ბევრი საინტერესო ცდები ელოდებათ

          • საქართველოს დამოუკიდებლობის დღე!

          • დღესაც თავისუფლებისთვის ვიბრძვით! დღესაც დამოუკიდებლობისთვის  ვიბრძვით! რამდენი სიცოცხლე შეიწირა ამ ბრძოლამ... დღესაც უკრაინაში ჩვენი ბიჭები სისხლს ღვრიან საქართველოსთვის!  დღესაც, XXI ციფრულ საუკუნეში საქართველოს მეხუთედი რუსეთის ოკუპაციის ქვეშაა... დიდი იმედი მაქვს, მოვესწრები ნამდვილად თავისუფალ, დემოკრატიულ და ევროპულ საქართველოში ცხოვრებას

            37

          • სასკოლო საზაფხულო ბანაკი - "ტბაზე"

          • წელს „ახალ ქართულ გიმნაზია“-ში არაჩვეულებრივი სიახლეა!!!

            ჩვენი სკოლის მე-8, მე-9, მე-10 და მე-11 კლასელებისთვის მოეწყობა სასკოლო საზაფხულო ბანაკი, სადაც მოსწავლეებთან ერთად დაუვიწყარ მოგონებებს შევქმნით.

            ბანაკი გაიმართება კურორტ ტბაზე (ბორჯობთან ახლოს), სადაც გელით ჯანსაღი, უსაფრთხო, კეთილმოწყობილი გარემო, სამჯერადი კვებით, შემეცნებითი, განმავითარებელი ტრენინგებით მოქალაქეობაში, კინოკლუბით, ლიტერატურული საღამოებით, სპორტული, სახალისო, გასართობი აქტივობებით, ლაშქრობებითა და სხვა.

            საზაფხულო ბანაკი იქნება ადგილი, სადაც მოზარდები ზაფხულის დღეებს ხალისიანად და ნაყოფიერად გაატარებენ. ბანაკში განხილული იქნება ისეთი თემები, როგორიცაა:

            · პიროვნული განვითარება (იდენტობა და თვითშეფასება, ინტერესები და ღირებულებები)

            · ინტერპერსონალური ურთიერთობები (ემოციების მართვა, სტრესის მართვა, ემპათია)

            · ეფექტური კომუნიკაცია კონფლიქტების რეგულაცია და მოლაპარაკების უნარი;

            · კრიტიკული აზროვნება (კრიტიკული მსჯელობა, გადაწყვეტილების მიღება, დროის მართვა)

            · სოციალური პასუხისმგებლობა (ბავშვთა უფლებები და მოვალეობები, მორალი, ბულინგი, ტოლერანტობა)

            ბანაკი, ასევე, გთავაზობთ სპორტულ თამაშებს, ლიტერატურულ განხილვებს, კინო-ჩვენებებს და მრავალ სხვა გუნდურ აქტივობას.

            ბანაკის ხანგრძლივობა: – 6 ღამე, 7 დღე;

            გასვლის თარიღი: 24 ივნისი, 9:00 საათი სკოლის მიმდებარე ტერიტორიიდან;

            ჩამოსვლის თარიღი: 31 ივნისი 16:00 საათი სკოლის მიმდებარე ტარიტორიასთან;

            ლოკაცია –სასტუმრო „მთის ბროლი - ბორჯომი“

            დამატებითი შეკითხვებისათვის დაგვიკავშირდით: 5 77 33 96 31

            https://www.facebook.com/hotelmtisbroliborjomi/photos

            სასტუმრო მთის ბროლი-ბორჯომი

            სასტუმრო “მთის ბროლი-ბორჯომი”, სასტუმრო კურორტ ტბაზე

          • საქართველოს დამოუკიდებლობის დღე

          • 2023 წლის 25 მაისს გიმნაზიაში საქართველოს დამოუკიდებლობის დღეს აღვნიშნავთ.

            ეს დღე განსაკუთრებული და გამორჩეული იქნება ყველა სასწავლო დღისგან.

            08:45 -სასკოლო საზოგადოების გიმნაზიაში გამოცხადება.I-XII კლასის მოსწავლეებისა და პედაგოგების განაწილება სკოლის ეზოში;

            09:00- სახელმწიფო დროშის აწევა სახელმწიფო ჰიმნის შესრულების ფონზე, ჰიმნს ასრულებენ სკოლის მოსწავლეები და პედაგოგები;

            09:30 - გიმნაზიის შენობაში კლასების შესვლა დამრიგებლებთან ერთად;

            I-IV კლასებში მეორე გაკვეთილიდან იმუშავებენ დამრიგებლები და ისაუბრებენ დამოუკიდებლობის დღის შესახებ, მოამზადებენ კედლის გაზეთებს. ამ აქტივობის დამთავრების შემდეგ სასწავლო პროცესი 18:00-მდე ჩვეულ რეჟიმში გაგრძელდება.

            09:30 საათიდან სააქტო დარბაზში გაიმართება ქართული მხატვრული ფილმებიდან: „მონანიება“, “დათა თუთაშხია“, „დემეტრე თავდადებული“ -ამონარიდების ჩვენება.

            -პირველი ნაკადი- ქართული სექტორის V-VII კლასები;

            -მეორე ნაკადი - ქართული სექტორის VIII-XI კლასები;

            -მესამე ნაკადი- რუსული სექტორის V-VII კლასები;

            -მეოთხე ნაკადი- რუსული სექტორის VIII-XI კლასები.

            ფილმების ამონარიდების ყურების შემდეგ,  კლასები  ბრუნდებიან საკლასო ოთახებში, იქ დამრიგებლებთან და საგნის მასწავლებლებთან ერთად გაიმართება დებატები და შემდეგ ყველა კლასი ქმნის პლაკატს. 

             ნამუშევრები  ბარდება დირექტორის მოადგილეს აღმზრდელობით დარგში ინგა ადახს, რომელიც შემდეგ ორგანიზებას გაუკეთებს ამ ნამუშევრების გამოფენას.

            V-XI კლასის მოსწავლეები ზ.ა. აქტივობების დასრულების შემდგომ თავისუფლდებიან.

            p.s. V-XI კლასის ყველა დამრიგებელმა გააფრთხილოს მშობლები რომ ა.წ. 25 მაისს გვექნება შედარებით მოკლე დღე. 

            I-IV კლასები ჩვეულ რეჟიმში იმუშავებენ.

          • ანონიმური კვლევა მშობლებთან და მოსწავლეებთან

          • მშობელთა საყურადღებოდ!

            2023 წლის 11 მაისიდან გიმნაზიის დირექცია აწარმოებს კვლევას I-XI კლასის მშობლებთან და V-XI კლასის მოსწავლეებთან.კვლევა ტარდება ანონიმურად.მოსწავლეებთან კვლევა ტარდება საკლასო ოთახში (კითხვარი მიეწოდებათ მატერიალურად); ხოლო მშობლებისთვის ელექტრონული ფორმით "google docs" ფორმატში.

            გამოკითხვაში მონაწილეობა ყველა მშობლისთვის სავალდებულოა!

            გამოკითხვის შედეგები დაგვეხმარება, რათა მომავალი სასწავლო წლის დაგეგმვის დროს გავითვალისწინოთ მოსწავლეთა და მშობელთა შენიშვნები, სურვილები, რეკომენდაციები.

            ანკეტის ლინკი მშობლებს მიეწოდათ კლასების FB ჯგუფების საშუალებით.

            გთხოვთ, იაქტიუროთ, იყოთ გულახდილები და ობიექტურები. თითოეული თქვენგანის აზრი ჩვენთვის მნიშვნელოვანია.

          • მასწავლებელთა კონფერენცია

            2025 წლის 10 ივლისს სკოლა ენ-ჯიში გაიმართა სასწავლო წლის შემაჯამებელი შეხვედრა – მასწავლებელთა კონფერენცია. კონფერენციის ფარგლებში, სხვადასხვა საგნობრივი ჯგუფებიდან შერჩეულმა პედაგოგებმა წარადგინეს საკონფერენციო პრეზენტაციები, მონიკა ჭანტურია „კითხვის საათის სტრატეგიები “; ვიქტორია იუროვა „ლექსიკა “; სოფიო რეხვიაშვილი „აზროვნების ექვსი ქუდი და ისტორია “და მარიამ მურაჩაშვილი „ურთიერთსწავლების მეთოდი და მისი გამოყენება სწავლის პროცესში “, რომლებშიც გააზიარეს თავიანთი პროფესიული გამოცდილება, მოსაზრებები და მიღებული პრაქტიკული შედეგები.

            მასწავლებლებმა ყურადღება გაამახვილეს ინოვაციური მიდგომების დანერგვაზე, სასწავლო პროცესის ეფექტიანობის ამაღლებაზე და სწავლებისას მიღებული გამოწვევებისა და წარმატებების ანალიზზე. ღონისძიება მნიშვნელოვნად უწყობს ხელს პროფესიული განვითარების ხელშეწყობას და კოლეგიალურ თანამშრომლობას სკოლის საზოგადოებაში.
             

            20

          • ტექნოლოგიებისა და საბუნებისმეტველო საგნების კათედრის შეხვედრა

            9 ივლისს სკოლა ენ-ჯიში გაიმართა სასწავლო წლის შემაჯამებელი შეხვედრა ტექნოლოგიებისა და საბუნებისმეტყველო საგნების კათედრის ფარგლებში. შეხვედრაზე განხილულ იქნა წლიური საგნობრივი დინამიკა, შეფასების მექანიზმები და განხორციელებული აქტივობები. ასევე მასწავლებლებმა წარადგინეს თავიანთი საგნობრივი მუშაობის წლიური ანგარიშები.

            4

          • ენების კათედრის შეხვედრა

            8 ივლისს სკოლა ენ-ჯიში გაიმართა სასწავლო წლის შემაჯამებელი შეხვედრა ენების კათედრის ფარგლებში. შეხვედრაზე განხილულ იქნა წლიური საგნობრივი დინამიკა, შეფასების მექანიზმები და განხორციელებული აქტივობები. ასევე მასწავლებლებმა წარადგინეს თავიანთი საგნობრივი მუშაობის წლიური ანგარიშები.

            13

          • საზოგადოებრივი მეცნიერებების, ესთეტიკური ციკლებისა და სპორტის კათედრის შეხვედრა

            7 ივლისს სკოლა ენ-ჯიში გაიმართა სასწავლო წლის შემაჯამებელი შეხვედრა საზოგადოებრივი მეცნიერებების, ესთეტიკური ციკლებისა და სპორტის კათედრის ფარგლებში. შეხვედრაზე განხილულ იქნა წლიური საგნობრივი დინამიკა, შეფასების მექანიზმები და განხორციელებული აქტივობები. ასევე მასწავლებლებმა წარადგინეს თავიანთი საგნობრივი მუშაობის წლიური ანგარიშები.

            13

          • პროექტის პრეზენტაცია

            სკოლა ენ-ჯის ხელოვნების მასწავლებლის ინიციატივით V-VI/ბ კლასებში ჩატარდა პროექტის პრეზენტაცია თემაზე: "ნახატების რეკრეაცია ფოტოგრაფიაში“

            22

          • გამოფენა

            სკოლა ენ-ჯის ხელოვნების მასწავლებლის ინიციატივით III-VI/ბ კლასებში ჩატარდა ნაშრომების გამოფენა თემაზე: "ბავშვთა დაცვის დღე"

            2

          • ღონისძიება

            სკოლა ენ-ჯის I/ა კლასში მეტყველებისა და კლასის ტუტორის ორგანიზებით ჩატარდა პირველი კლასის დამამთავრებელი ღონიძიება/სპექტაკლი.

            6

          • ფეხბურთის ტურნირი

            სკოლა ენ-ჯის მოსწავლეთა სათათბიროსა და სპორტის მასწავლებლის ორგანიზებით საბაზო საფეხურის მოსწავლეთა შორის ჩატარდა ამხანაგური ფეხბურთის ტურნირი.

            4

          • დეზინფექცია

            01 ივნისს, სკოლა ენ-ჯის შენობაში ჩატარდა დეზინფექცია, დეზინსექცია და დერატიზაცია, შპს „პროფილაქტიკური დეზინფექციის ცენტრი“-ს მიერ.

            8

          • ექსკურსია

            სკოლა ენ-ჯის II/ა კლასი კლასის ტუტორთან ერთად ექსკურსიის ფარგლებში ეწვივნენ გოგებაშვილის სახლმუზეუმში, ვარიანში.

            8

          • მშობლის საათი

            სკოლა ენ-ჯის I/ბ კლასში ტუტორის პროგრამის ფარგლებში ჩატარდა მშობლის საათი თემაზე: „მხიარული მანიპულაციები ბუშტებთან“

            6

          • ექსკურსია

            სკოლა ენ-ჯის I/ა კლასი, კლასის ტუტორთან ერთად ექსკურსიის ფარგლებში ეწვივნენ ილია ჭავჭავაძის სახლმუზეუმში. მუზეუმში, სადაც თითეული ნივთი, წიგნი თუ ავეჯი ილიასეულია და ისეა განლაგებული, როგორც მის დროს.

            2

          • გამოფენა

            სკოლა ენ-ჯის V/ა კლასის მოსწავლემ, ხელოვნების მასწავლებლის ინიციატივით მოაწყო პერსონალური ნახატების გამოფენა.

            3

    • კონტაქტი

      • სკოლა ენ-ჯი
      • ngschool1999@gmail.com
      • (+995 32) 265-26-67
      • გლდანი, ფორე მოსულიშვილის ქ. 20
        თბილისი
        0167 თბილისი
        Georgia

    • ანგარიშში შესვლა

  • ჩვენი სოციალური ქსელები