სიახლეები

      • სკოლა ენ-ჯი აგრძელებს მოსწავლეთა მობილობას  ქართული და რუსული სექტორის (I-XII) კლასებში.

        სკოლა გთავაზობთ:

        • მყუდრო, სასიამოვნო და უსაფრთხო გარემოს;

        • კეთილგანწყობილ და თანამშრომლობით ატმოსფეროს;

        • გაძლიერებული სწავლებას:

        -ქართულ ენასა და ლიტერატურაში;

        -მათემატიკაში;

        -პირველ უცხოურ ენაში (ინგლისური);

        • ჭადრაკის, ცეკვის, მეტყველების, მითოლოგიის, კალიგრაფიის, ხაზვის და  კითხვის საათის გაკვეთილებს.

        • დამატებით ტარდება:

        - ფსიქოლოგის საათი;

        - ექიმის საათი;

        - ბიბლიოთეკის საათი;

        - მშობლის საათი;

        - კლასის საათი;

        -გასვლითი გაკვეთილები/ექსკურსიები.

        სკოლა თანამშრომლობს ნ.დუმბაძის სახელობის მოზარდმაყურებელთა თეატრთან, მოსწავლეები სასწავლო წლის მანძილზე ესწრებიან 4 სპექტაკლს.

        I-IV კლასის მოსწავლეებს ვთავაზობთ ერთჯერად ჯანსაღ კვებას ;

        სკოლაში  ფუნქციონირებს სხვა დამატებითი ფასიანი წრეები:

        • ვოკალური სტუდია ბელ კანტო - Bel Canto / ბელ კანტო - ვოკალური სტუდია / Vocal Studio;

        • თეატრალური სტუდია რუსულ სექტორზე;

        • ხელოვნების/ხატვის წრე;

        • მხატვრული ტანვარჯიში;

        სასწავლო-აღმზრდელობითი პროცესი მიმდინარეობს:

        I-IV კლასებში  09:00 საათიდან – 18:00 საათამდე;

        V-XII კლასებში  09:00 საათიდან – 15:00 საათამდე;

        მისამართი: გლდანის “ა“ მ/რ, ფორე მოსულიშვილის ქუჩა N20.

        საკონტაქტო ტელ: 265-26-67  558 770703

        ელექტრონული ფოსტა: ngschool1999@gmail.com

        Facebook გვერდი: https://www.facebook.com/

        ვებ გვერდი: www.ngschool.edupage.org/

         

         

      • სკოლა ენ-ჯის 2025-2026 სასწავლო წლის დაგეგმილი სასკოლო ღონისძიებები

      • სკოლა ენ-ჯის 2025-2026 სასწავლო წლის დაგეგმილი სასკოლო ღონისძიებები

      • 2025-2026 სასწავლო წლის წლიური გამოცდები

      • 2025-2026 სასწავლო წლის

        წლიური გამოცდები

        (ჩატარდება 2026 წლის 08 ივნისიდან 12ივნისის ჩათვლით)

         

        დაწყებითი საფეხური

        მუხლი 11

        11.3.  დაწყებითი კლასების  საფეხურზე,  IV კლასის ბოლოს ჩატარდება წლიური ტესტირებები:

        1. ქართული ენა და ლიტერატურა (ქართული სექტორი);

        2. ეთნიკური უმცირესობის ენა (რუსული)   რუსული სექტორისთვის;

        3. მათემატიკა (ორივე სექტორი);

        4. პირველი უცხოური ენა (ინგლისური) (ორივე სექტორი);

        11.4. შეფასება განხორციელდება - ოთხ დონიანი განმავითარებელი შეფასების რუბრიკით.

        11.5.  დაწყებითი კლასების  საფეხურზე,  V და VI კლასის ბოლოს ჩატარდება წლიური გამოცდები:

        1. ქართული ენა და ლიტერატურა (ქართული სექტორი) ;

        2. ეთნიკური უმცირესობის ენა (რუსული)  (რუსული სექტორი);

        3.  მათემატიკა (ორივე სექტორი);

        11.6. წლიური  გამოცდის ქულას გავლენა  ექნება საგნის წლიურ  ქულაზე და გამოითვლება შემდეგი პრინციპით: საგნის წლიურ  ქულას მიემატება გამოცდის ქულა და გაიყოფა ორზე.

         

        საბაზო საფეხური

        მუხლი 14

        14.4.წლიური გამოცდა 

        14.4.1. სკოლა ვალდებულია   საფეხურის ბოლოს  გავიდეს საგნობრივი ჯგუფების სამიზნე ცნებებზე. ამ ამოცანის შესრულების მიზნით სასწავლო წლის ბოლოს სკოლა ატარებს  წლიურ გამოცდებს, შემდეგ საგნებში/საგნობრივ ჯგუფში:

         

        ქართული სექტორი

        VII -VIII - IX კლასი- ქართული ენა და ლიტერატურა და მათემატიკა.

        X კლასი-ქართული ენა და ლიტერატურა, ისტორია, არჩევითი საგანი მათემატიკა, ფიზიკა, ქიმია, ბიოლოგია. (მოსწავლეებს მიეცემათ საშუალება საკუთარი სურვილის მიხედვით აირჩიონ საგანი).

         

        რუსული სექტორი

        VII -VIII - IX კლასი- რუსული ენა და ლიტერატურა და მათემატიკა.

        X კლასი - ინგლისური ენა,  ისტორია, არჩევითი საგანი მათემატიკა, ფიზიკა, ქიმია, ბიოლოგია.(მოსწავლეებს მიეცემათ საშუალება საკუთარი სურვილის მიხედვით აირჩიონ საგანი).

         

        14.4.2. წლიური   გამოცდის ქულას გავლენა  ექნება საგნის წლიურ ქულაზე და გამოითვლება შემდეგი პრინციპით: საგნის წლიურ ქულას მიემატება გამოცდის ქულა და გაიყოფა ორზე.     

         

        საშუალო საფეხური

        მუხლი 14

        14.4. . წლიური გამოცდა 

        14.4.1. სკოლა ვალდებულია   საფეხურის ბოლოს  გავიდეს საგნობრივი ჯგუფების სამიზნე ცნებებზე. ამ ამოცანის შესრულების მიზნით სასწავლო წლის ბოლოს სკოლა   XI კლასებში ატარებს   წლიური გამოცდებს.

        14.4.3. XI კლასი

        ქართული სექტორი :

        რუსული სექტორი:

        • პირველი უცხოური ენა (ინგლისური);
        • არჩევითი საგანი მათემატიკა, ისტორია;

        14.4.4 წლიური  გამოცდის ქულას გავლენა  ექნება საგნის წლიურ   ქულაზე და გამოითვლება შემდეგი პრინციპით: საგნის წლიურ  ქულას მიემატება გამოცდის ქულა და გაიყოფა ორზე.

         

          • მშობლის საათი

          • სკოლა ენ-ჯის II/ბ კლასში ტუტორის პროგრამის ფარგლებში ჩატარდა მშობლის საათი თემაზე: “კვახის მოხატვა ჰელოუნისთვის”

            15

          • ვიზიტი ხელოვნების სასახლეში

          • სკოლა ენ-ჯის III/ა და IV/ა კლასის მოსწავლეები ხელოვნების მასწავლებელთან ერთად სტუმრობდნენ ხელოვნების სასახლეს. სადაც მოისმინეს ისტორია და დაათვალიერეს საგანძური მრავალსაუკუნოვანი ქართული ანბანის შესახებ. პრაქტიკულ ნაწილში ბავშვებმა მარტივი ლოგიკით გაშიფრეს ქართული ხალხური ანდაზები და შექმნეს ხელნაკეთი წიგნები.

            3

          • ვიქტორინა მათემატიკაში

          • 24 ოქტომბერს სკოლა ენ-ჯის მათემატიკის მასწავლებლებმა ჩაატარეს ვიქტორინა მათემატიკაში,სადაც ერთმანეთს შეხვდნენ IX/ა და X/ა კლასის გუნდები.

            2

          • ვიზიტი ავტომუზეუმში

          • 24 ოქტომბერს სკოლა ენ-ჯის IV/ბ და VII/ბ კლასის მოსწვლეები კლასის ტუტორთან და ხელოვნების მასწავლებელთან ერთად ეწვიეს ავტომუზეუმს, სადაც საინტერესოდ და სახალისოდ გაატარეს დრო.

            4

          • ვიზიტი ვაჟა-ფშაველას მემორიალურ მუზეუმში

          • 23 ოქტომბერს, სკოლა ენ-ჯის VI/ა კლასის მოსწავლეები ქართული ენისა და ლიტერატურის მასწავლებელთან და კლასის ტუტორთან ერთად ეწვივნენ ვაჟა-ფშაველას მემორიალურ მუზეუმს. მათ უმასპინძლა ფილოლოგიის ასოცირებულმა პროფესორმა, ვაჟა-ფშაველას შემოქმედებისა და ცხოვრების მკვლევარმა, მამუკა ჭანტურიამ.

            მოსწავლები ასევე ესტუმრნენ თბილისის სახელმწიფო უნივერსიტეტის მუზეუმს და გაეცვნენ უნივერსიტეტის დაარსების ისტორიას.

          • ექიმის საათი

          • 23 ოქტომბერს სკოლა ენ-ჯის III/ბ კლასში სკოლის ექიმმა ჩაატარა ექიმის საათი თემაზე: “ჯანსაღი კვების წესები”

          • ვიზიტი თეატრში

          • 21 ოქტომბერს სკოლა ენ-ჯის VII/ა კლასის მოსწავლეები კლასის ტუტორთან ერთად ეწვივნენ ნოდარ დუმბაძის მოზარდ მაყურებელთა თეატრში სპექტაკლზე: ,,სარა ბარა ბზია ბზოტ"

          • მასწავლებლის საერთაშორისო დღის აღვნიშვნა

          • 15 და 17 ოქტომბერს სკოლა ენ-ჯის ბიბლიოთეკაში აღინიშნა მასწავლებლის საერთაშორისო დღე - „5 ოქტომბერი მასწავლებლის საერთაშორისო დღეა“ თემა: ჩემი პირველი მასწავლებელი, II-IV/ა კლასის მოსწავლეებმა გაიხსენეს „ჩემი პირველი მასწავლებელი“ შეხვედრა და ემოიცები, აღნიშნეს, რომ მასწავლებლობა საპასუხისმგებლო და ღირსეული პროფესიაა და მასწავლებლის როლი განუზომლად დიდია მოსწავლის სწავლა-განათლებაში. სიყვარულით მოეფერენ და კეთილი სურვილებით მიულოცეს მოსწავლეებმა მასწავლებლის საერთაშორისო დღე თავიანთ მასწავლებლებს

            10

          • პროექტი: "წყლის ყოველი წვეთი ძვირფასია"

          • 17 ოქტომბერს, სკოლა ენ-ჯის ქიმიის მასწავლებლის ინიციატივით VIII-IX/ა კლასის მოსწავლეებმა მიიღეს მონაწილეობა პროექტში: "წყლის ყოველი წვეთი ძვირფასია". მოსწავლეები გაეცნეს მოსახლეობისთვის წყლის მიწოდების ეტაპებს, შეავსეს კითხვარი და ჩაერთნენ საინტერესო და სახალისო აქტივობებში. ღონისძიების დასრულებისას ,დასაჩუქრდნენ სუვენიეებით.

            6

          • "ევროპული კვირეული"

          • 16 ოქტომბერს, სკოლა ენ-ჯიში ინგლისურის მასწავლებლების და ცეკვის მასწავლებლის ორგანიზებით, ჩატარდა კათედრის ფარგლებში დაგეგმილი ღონისძიება სახელწოდებით - "ევროპული კვირეული"

            13

          • ჯანმრთელობის ფორმულის შედგენა

          • სკოლა ენ-ჯის IV/ბ კლასში ფიზიკური აღზრდისა და სპორტის და მათემატიკის მასწავლებლის ინიციატივით ჩატარდა ინტეგრირებული გაკლეთილი თემაზე: “ჯანმრთელობის ფორმულის შედგენა”

            10

          • ვიზიტი თეატრში

          • 17 ოქტომბერს სკოლა ენ-ჯის I-V კლასის მოსწავლეები ეწვივნენ ნოდარ დუმბაძის სახელობის ტეატრს სპექტაკლზე: “ნატვირს თვალი”

            13

          • ექიმის საათი

          • სკოლა ენ-ჯის VIII/ბ კლასში სკოლის ექიმმა ჩაატარა ექიმის საათი თემაზე: “სეზონური გრიპი და მისი პრევენციის გზები”

          • ნაშრომების გამოფენა

          • სკოლა ენ-ჯი-ში გაიმართა XI/ა კლასის მოსწავლის ნინი შუღლიაშვილის პერსონალური ნახატების გამოფენა, ასევე წარმოდგენილი იყო ხაზვის მასწავლებლის იური არუთინოვის ნამუშევრების ინდივიდუალური გამოფენა.

            3

          • შეხვედრა სტუმართან

          • მასწავლებლის საერთაშორისო დღის აღსანიშნავად, სკოლა ენ-ჯი-ში მოწვეული იყო ქართული ლიტერატურის გამორჩეული პედაგოგი — ნანა მამუკელაშვილი, რომელმაც VII-X/ა კლასის მოსწავლეებს ჩაუტარა ინტერაქციული და შემოქმედებით აქტივობებით გამორჩეული გაკვეთილი.

          • ვიზიტი სტუ-„მოდი ნახე“ თეატრში

          • სკოლა ენ-ჯის ტუტორის პროგრამის ფარგლებში IX/ა კლასი ეწვია სტუ-„მოდი ნახე“ თეატრს, სპექტაკლზე – „უკანასკნელი თოლია“. სპექტაკლის მთავარი გზავნილი იყო:

            „სჯობს სიცოცლესა ნაძრახსა, სიკვდილი სახელოვანი!“

            ღირსება და თავისუფლება ყველაფერზე მაღლა დგას, დღევანდელი გმირები ჩვენს სამშობლოსა და ხალხის სიყვარულს შეეწირნენ.

            გვახსოვდეს ჩვენი გმირები!

            2

          • ვიზიტი თბილისობაზე

          • თბილისელების ერთ-ერთი ყველაზე საყვარელი დღესასწაული „თბილისობაა“ , რომელიც ტარდება ორბელიანის მოედნის მიმდებარე ტერიტორიაზე . სკოლა ენ-ჯის IX/ა კლასი ტრადიციულად ეწვია იმ ადგილებს,სადაც მოეწყო მრავალფეროვანი კულტურული, სპორტული, საგანმანათლებლო და საბავშვო-გასართობი აქტივობები.

          • საუბარი თემაზე: ევროკავშირი- შექმნის ისტორია და ევროპული ღირებულებები"

            13 დეკემბერს ბიბლიოთეკის ინიცირებული ღონისძიების - 

            „ევროპის დროით“ ფარგლებში, მოქალაქეობის მასწავლებელმა - მაია გურასპიშვილმა მე-10/ა და 11/ა კლასებში ჩაატარა საუბარი თემაზე: “ევროკავშირი - შექმნის ისტორია და ევროპული ღირებულებები”. შეხვედრის დროს განიხილეს საქართველოს ევროპული პერსპექტივები და შესაძლებლობები.

          • ინტეგრირებული გაკვეთილი მათემატიკა-ხელოვნება

            "სკოლა ენ-ჯი" -  ში 1/ა კლასში ხელოვნების მასწავლებლის ნანა მისკალიშვილის და მათემატიკის მასწავლებლის მაია კუსრაშვილის ინიციატივით ჩატარდა ინტეგრირებული გაკვეთილი თემაზე:"მათემატიკა ხელოვნებაში " საგაკვეთილო პროცესი მხიარულად ჩაიარა.

            11

          • მხატვრული სტუდიოს ნამუშევრები

            სკოლა  ენ-ჯი" - ში  უკვე მეორე წელია ფუნქციონირებს სამხატვრო სტუდია "მხიარული ფუნჯები". სტუდიის ხელმძღვანელის ელიზავეტა მირგოროდსკაიას ინიციატივით ნოემბერში ჩატარდა მოსწავლეთა ნამუშევრების ონლაინ გამოფენა.

            7

          • ჭადრაკის ჩემპიონატი

            სასკოლო  ჩემპიონატი ჭადრაკში 2023 წლის 16 დეკემბერს, 10 საათზე დაიწყება სკოლის შიდა ჩემპიონატი ჭადრაკში.ტურნირი გაიმართება შვეიცარიული სისტემით, 7 ტურად.მონაწილეობას მიიღებენ მოსწავლეები მე-3-დან მე-6 კლასის ჩათვლით.მე-3 და მე-4 კლასის მოსწავლეებს შორის წილისყრა და დაჯილდოება მოხდება ცალკე, ხოლო მე-5 და მე-6 კლასების ცალკე.ამასთანავე, ორივე კატეგორიაში ცალ-ცალკე დაჯილდოვდებიან ბიჭები და გოგონები.გამარჯვებულები დაჯილდოვდებიან თასებით, მედლებითა და დიპლომებით.ტურნირის საწევრო შენატანის ღირებულება შეადგენს - 10 ლ.მოსწავლეთა მიღება შესაძლებელია 2023 წლის 15 დეკემბრის ჩათვლითჭადრაკის მასწავლებელთან გიორგი თავზარაშვილთან.

          • მასტერკლასი მედიაწიგნიერებასა და მეტყველების დარგში

            8 დეკემბერს "სკოლა ენ-ჯი" - ში მეტყველების და მედიაწიგნიერების მასწავლებელმა შოკო ტალიკიშვილმა მოწვეულ სტუმართან, მსახიობთან და მეტყველების სპეციალისტთან, თეატრალური უნივერსიტეტის პროფრსორთან - ნანა ხურითთან ერთად ჩაატარა მასტერკლასი, სადაც საკუთარ საავტორო ლიტერატურასთან ერთად ,ბავშვებმა წარმოადგინეს საკუთარი ენის გასატეხები ლექსების სახით.

             

            წარმოდგენილმა ლიტერატურამ და საკლასო პროცესმა მსახიობი აღტაცებაში მოიყვანა.

             

            მეტყველების, როგორც დამატებითი საგნის სასკოლო მიმართულება მსახიობმა ქალბატონმა უმაღლესი ქულით შეაფასა.

            2

          • ვიქტორინა მათემატიკაში

            6 დეკემბერს "სკოლა ენ ჯი" -ს 1-ლ და მე-2/ ბ კლასებში, გაიანე არუთუნოვას ინიციატივით ჩატარდა ვიქტორინა თემაზე: " სახალისო მათემატიკა" მოსწავლეებმა განიხილეს საკითხები და მიიღეს ამოუწურავი ინფორმაცია.

            2

          • შეხვედრა სარეაბილიტაციო ცენტრთან

            5 დეკემბერს "სკოლა ენ-ჯი" - ჩატარდა შეხვედრა სარეაბილიტაციო ცენტრი: " ფიზიკური თერაპიის ჰაბი" -ს წარმომადგენლებთან თემაზე: " ფიზიკური აქტივობა და ჯამრთელობა" შეხვედრას ესწრებოდნენ მე-6 დან მე-11 კლასის ჩათვლით მოსწავლეები

            3

          • ბავშვთა უფლებების გაცნობა

            30 ნოემბერს მოსწავლეთა სათათბიროს ინიციატივითა და სათათბიროს თავჯდომარის: ნიკა კრავცოვის ჩართულობით, სკოლის მე-5/ა, მე-6/ა და  მე-7/ა კლასებში ჩატარდა საუბარი-შეხვედრები თემაზე: "ბავშვთა უფლებების დეკლარაცია". შეხვედრების ფარგლებში მოსწავლეები კიდევ ერთხელ გაეცვნენ დეკლარაციის ძირითად პრინციპებს, შეასრულეს ქვიზები და ამომწურავად იმსჯელეს თემის საკითხებზე.

            9

          • ვიზიტი საქართველოს ეროვნულ ბიბლიოთეკაში

            4 დეკემბერს ქართული ენის მასწავლებლის მონიკა ჭანტურიას ორგანიზებით მე-6/ა კლასი ესტუმრა ილია ჭავჭავაძის სახელობის საქართველოს ეროვნულ ბიბლიოთეკას. ვიზიტის მიზანი გახლდათ წიგნთან ურთიერთობის უნარების გამომუშავება. მოსწავლეები შეხვდნენ და გაესაუბრნენ ბიბლიოთეკის  დირექტორის მოადგილეს ბატონ გიორგი კილაძეს. შიდაექსკურსიას უძღვებოდა ქალბატონი მარი კალანდაძე, რომელმაც ბავშვებს გააცნო ბიბლიოთეკის ისტორია, აჩვენა სხვადასხვა კაბინეტები, დარბაზები და წიგნის მუზეუმი, სადაც მოსწავლეებმა დაათვალიერეს “ვეფხისტყაოსნის" კოლექცია, ეწვივნენ ილია ჭავჭავაძის სამუშაო ოთახს. გარდა ამისა გაეცვნენ კატალოგების მნიშვნელობას, მათი გამოყენების წესს. ვიზიტის ბოლოს მოსწავლეებმა  სურვილი გამოთქვეს გამხდარიყვნენ ეროვნული ბიბლიოთეკის მომავალი მკითხველები.

            3

          • სკოლა ენ-ჯი

            ,,საგანმანათლებლო დაწესებულებების ავტორიზაციის დებულებისა და საფასურის დამტკიცების შესახებ" საქართველოს განათლებისა და მეცნიერების მინისტრის 2010 წლის 1 ოქტომბრის №99/ნ ბრძანებით დამტკიცებული ,,ზოგადსაგანმანათლებლო დაწესებულებების ავტორიზაციის სტანდარტების" (დანართი №5) შესაბამისად, სკოლის სახელწოდება უნდა შეესაბამებოდეს მისი სტატუსის აღმნიშვნელ, კანონმდებლობით დადგენილ ტერმინს, რაც ავტორიზაციის პირველი სტანდარტის (სკოლის ფილოსოფია) ერთ - ერთი ინდიკატორია

             ზოგადსაგანმანათლებლო დაწესებულებების ავტორიზაციის სტანდარტებში 2022 წელს შესული ცვლილების თანახმად (საქართველოს განათლებისა და მეცნიერების მინისტრის 2022 წლის 29 დეკემბრის N145/ნ ბრძანება), ზოგადსაგანმანათლებლო დაწესებულების/სკოლის სახელწოდების სტანდარტი მოიცავს სახელწოდებაში სტატუსის აღმნიშვნელი, კანონმდებლობით დადგენილი ტერმინის - ,,ზოგადსაგანმნათლებლო დაწესებულება " ან/და,  სკოლა "ასახვას .

            შპს ახალმა ქართულმა გიმნაზიამ (ს/კ 200036497)  გაითვალისწინა კანონმდებლობაში შესული ცვლილებები და მიიღო გადაწყვეტილება სკოლის სახელწოდების შეცვლასთან დაკავშირებით.

            2023 წლის 04 დეკემბრიდან  „ახალი ქართული გიმნაზიის“  სახელწოდებაა

             - შპს სკოლა ენ-ჯი (ს/კ 200036497).

             ინგლისურად სკოლას ქვია- next generation school , შემოკლებით NG SCHOOL (შინაარსობრივად - შემდეგი/მომავალი თაობის სკოლა),  ხოლო ქართულად- სკოლა ენ-ჯი.

            შესაბამისად შევცვალეთ ლოგოც.

            არსებული ცვლილებები არანაირ გავლენას არ ახდენს, არც მასწავლებელზე და არც მოსწავლეებზე. ბანკში გადახდისას მხოლოდ სკოლის სახელი დახვდებათ შეცვლილი, საბანკო ანგარიშიც და საიდენტიფიკაციო კოდიც იგივეა.

          • მხიარული სტარტები

            4 დეკემბერს, მე-3/ა და მე-3/ბ კლასების გუნდებს შორის გაიმართა სპორტული შეჯიბრი: „მხიარული სტარტები“. ღონისძიების ორგანიზატორი იყო სკოლის სპორტის მასწავლებელი: ვიქტორია მგელაძე. შეჯიბრის დასასრულს მე-3/ა კლასის გუნდმა მცირე უპირატესობით აჯობა მე-3/ბ კლასის გუნდს, თუმცა ამ შემთხვევაშიც მეგობრობამ გაიმარჯვა... მადლობა მოსწავლეებს მაღალი ორგანიზებულობისთვის, მოხერხებულობისთვის და კეთილგანწყობისთვის.

          • კონფერენცია თემაზე: " მადლიერების დღე"

            სკოლის სააქტო დარბაზში ინგლისური ენის საგნობრივი ჯგუფის მასწავლებლებმა: ნ. სარალიძემ, ს. გოგატიშვილმა და ხ. ბახბაიამ მე-7/ა, მე-8/ა მე-9/ა და მე-9/ბ კლასის მოსწავლეებთან ერთად ჩაატარეს ინგლისურენოვანი კონფერენცია თემაზე: “მადლიერების დღის აღნიშვნის ტრადიცია ინგლისურენოვან ქვეყნებში”. მოსწავლეებმა საინტერესოდ წარმოადგინეს თემები აღნიშნულ თემაზე.

            10

          • საგნობრივი პროექტი: ”საქართველოს ისტორიულ-ეთნოგრაფიული კუთხეები”.

            29/30 ნოემბერს 5/ა და 6/ა კლასებში „ჩვენი საქართველოს“ მასწავლებელმა მზია ცხოვრებაძემ განახორციელა საგნობრივი პროექტი: ”საქართველოს ისტორიულ-ეთნოგრაფიული კუთხეები”. ორივე კლასის მოსწავლეებმა შექმნეს და წარმოადგინეს საინტერესო მაკეტები საქართველოს სხვადასხვა კუთხის არქიტექტურაზე და მოახდინეს საკუთარი ნამუშევრების პრეზენტაცია.

          • დიდი პოეტი: ნიკოლოზ ბარათაშვილი

            4 დეკემბერი დიდი ქართველი პოეტის, მე-19 საუკუნის ქართული რომანტიზმის თვალსაჩინო წარმომადგენელის - ნიკოლოზ ბარათაშვილის დაბადების დღეა. ამ თარიღის აღსანიშნავად სკოლის მე-8/ა კლასში ქართული ენისა და ლიტერატურის მასწავლებლის -მონიკა ჭანტურიას ინიციატივით ჩატარადა შიდასაგაკვეთილო საათი თემაზე: "ბარათაშვილს აქ უყვარდა ობლად სიარული"...მოსწავლეები დიდი ინტერესით გაეცნენ პოეტის უიღბლო ცხოვრების დეტალებს, მოუსმინეს მის ლექსებს.

          • ნიკოლოზ ბარათაშვილის დაბადების დღე

            4 დეკემბერი ნიკოლოზ ბარათაშვილის დაბადების საიუბილეო თარიღია, ამიტომ ბიბლიოთეკაში სასკოლო პროექტის  „ცოცხალი წიგნებ“-ის ფარგლებში შედგა შეხვედრა მე-10/ა, მე-11/ა და მე-12/ა კლასის მოსწავლეებთან. მოსწავლეებმა მოისმინეს ნ. ბარათაშვილის ლექსი: „მერანი“, წაიკითხეს და განიხილეს  პოეტის სხვა ლექსები და ისუბრეს რომანტიზმის, როგორც ლიტერატურული მიმდინარეობის შესახებ.
            8

          • ვიზიტი თეატრში

            30 ნოემბერს სკოლის ორივე სექტორის I-V კლასები ვიზიტით იმყოფებოდნენ საქართველოს ტექნიკური უნივერსიტეტის ახალგაზრდული დასის “მოდი ნახე”-ს სპექტაკლზე:  “მოჯადოებული გალიები”

    • კონტაქტი

      • სკოლა ენ-ჯი
      • ngschool1999@gmail.com
      • (+995 32) 265-26-67
      • გლდანი, ფორე მოსულიშვილის ქ. 20
        თბილისი
        0167 თბილისი
        Georgia

    • ანგარიშში შესვლა

  • ჩვენი სოციალური ქსელები